សេដ្ឋកិច្ច

មកស្គាល់ប្រទេស អាស៊ាន ទិញស្រូវសាលីច្រើនជាងគេបំផុត

បានផុស

២ years មុន

នៅ

ថ្ងៃព្រហស្បតិ៍ ៩ មិថុនា ២០២២

ដោយ

ការផ្គត់ផ្គង់ស្រូវសាលីរបស់ប្រទេសឥណ្ឌូណេស៊ីកំពុងទទួលរងផលប៉ះពាល់ពីសង្គ្រាមលុកលុយរបស់រុស្ស៊ីលើអ៊ុយក្រែន ដោយសារតែប្រទេសមួយនេះពឹងផ្អែកយ៉ាងខ្លាំង ក៏ដូចជាអ្នកទិញស្រូវសាលីកំពូលគេនៅតំបន់អាស៊ីអាគ្នេយ៍ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិន្នន័យរបស់អង្គការសហប្រជាជាតិបង្ហាញថា ការនាំចូលស្រូវសាលីរបស់ឥណ្ឌូនេស៊ីពីអ៊ុយក្រែនឈានដល់ ៩៦៣.០៦ លានដុល្លារក្នុងឆ្នាំ ២០២០ ខណៈការនាំចូលពីរុស្ស៊ីវិញមានចំនួនសរុប ៩៥៧.៨៩ លានដុល្លារក្នុងឆ្នាំដដែលនោះ ។

ចំណែកទិន្នន័យពីសារព័ត៌មាន Kontan បានបង្ហាញដែរថា ឥណ្ឌូនេស៊ីបានទិញស្រូវសាលីចំនួន ៤.៦៩ លានតោនពីប្រទេសអូស្ត្រាលីក្នុងឆ្នាំ ២០២១ ខណៈទិញពីអ៊ុយក្រែនឈានដល់ ៣.០៧ លានតោនក្នុងរយៈពេលដូចគ្នានេះ ។

ទន្ទឹមនោះយោងតាមមជ្ឈមណ្ឌលសម្រាប់ការសិក្សាយុទ្ធសាស្ត្រ និងអន្តរជាតិ (CSIS) បានឲ្យដឹងថា ទោះប្រទេសទាំងពីរមិនមែនជាដៃគូពាណិជ្ជកម្មដ៏សំខាន់របស់ឥណ្ឌូនេស៊ីសម្រាប់ការនាំចូល ឬនាំចេញស្រូវសាលីក៏ដោយ ប៉ុន្តែជម្លោះនេះនឹងជះឥទ្ធិពលដល់ការនាំចូលគ្រឿងផ្សំអាហាររបស់ឥណ្ឌូនេស៊ី ជាពិសេសស្រូវសាលីពីអ៊ុយក្រែនតែម្ដង ។

ស្របពេលជាមួយគ្នានេះ លោក Lestary Barany ជំនួយការស្រាវជ្រាវនៅនាយកដ្ឋានសេដ្ឋកិច្ចនៃ CSIS បានប្រាប់សន្និសីទសាព័ត៌មានតាមវីដេអូកាលពីថ្ងៃពុធថា “ប្រហែល ៧៥ ភាគរយនៃការនាំចូលរបស់ឥណ្ឌូនេស៊ីពីអ៊ុយក្រែនគឺជាធញ្ញជាតិ ជាពិសេសស្រូវសាលី ។ បន្ទាប់មកគឺដែក និងដែកថែប ២៣ ភាគរយ ខណៈ ២ ភាគរយគឺទំនិញផ្សេងៗទៀត” ៕