សេដ្ឋកិច្ច
អ្នកសេដ្ឋកិច្ច៖ វិស័យ SME ជាបណ្តុំនៃការបង្កើតផលិតកម្មក្នុងស្រុកជួយសេដ្ឋកិច្ចរឹងមាំ
អ្នកសេដ្ឋកិច្ច បានលើកឡើងថា វិស័យសហគ្រាសធុនតូច និងមធ្យម ហៅកាត់ថា SME មានសក្ដានុពលខ្លាំង ក្នុងការគាំទ្រសេដ្ឋកិច្ចជាតិឱ្យរឹងមាំ ប៉ុន្តែកន្លងមក បានធ្លាក់ចុះដោយសារការហើបឡើងនៃវិស័យអចលនទ្រព្យ។
លោកបណ្ឌិត គី សេរីវឌ្ឍន៍ អ្នកជំនាញសេដ្ឋកិច្ចនៃរាជបណ្ឌិតសភាកម្ពុជា បានលើកឡើងថា វិស័យ SME បានរួមចំណែកអភិវឌ្ឍសេដ្ឋកិច្ចជាតិច្រើនណាស់។ លោកគូសបញ្ជាក់ថា ទី១ វិស័យ SME បានបង្កើតឱ្យមានផលិតផលក្នុងស្រុកសរុប និងទី២ បង្កើតការងារក្នុងស្រុក។ អ្នកសេដ្ឋកិច្ចរូបនេះ ពន្យល់បន្ថែមទៀតថា ការផលិតនឹងបង្កើតការងារជូនប្រជាពលរដ្ឋ ហើយការងារទាំងអស់នេះ នឹងឈានទៅមានកំណើន ពន្ធរបស់រដ្ឋ និងពន្ធលើប្រាក់បៀវត្សរ៍ ជាដើម ដូច្នេះរដ្ឋនឹងចំណេញច្រើន។
បច្ចុប្បន្ន រាជរដ្ឋាភិបាលកម្ពុជា បានយកចិត្តទុកដាក់ខ្ពស់ បន្តការគាំទ្រដល់ការអភិវឌ្ឍសហគ្រិនភាព ដោយផ្តោតសំខាន់លើសហគ្រាសខ្នាតតូច និងមធ្យម ដើម្បីកំណើនការងារ សមធម៌ និងប្រសិទ្ធភាព ក្នុងគោលបំណងគាំទ្រសកម្មភាពបណ្តុះបណ្តាលធនធានមនុស្ស ផលិតភាព ការបង្កើតការងារ សហគ្រិនភាព ភាពច្នៃប្រឌិត និងនវានុវត្តន៍ ដោយលើកទឹកចិត្តសហគ្រាសឲ្យមានលក្ខណៈស្របច្បាប់ ព្រមទាំងការទទួលបានសេវាកម្មហិរញ្ញវត្ថុ ក្នុងការពង្រីកសហគ្រាសជាដើម។
វិស័យ SME មិនត្រឹមតែជួយអភិវឌ្ឍន៍សេដ្ឋកិច្ចជាតិ ផ្ដល់ឱកាសការងារប៉ុណ្ណោះទេ ថែមទាំងកាត់បន្ថយចំណាកស្រុក បង្កើតប្រាក់ចំណូល និងកាត់បន្ថយភាពក្រីក្រផងដែរ។
របាយការណ៍របស់ក្រសួងការងារ បានបង្ហាញថា សហគ្រាសធុនតូច និងមធ្យម នៅកម្ពុជា សរុបចំនួនប្រមាណ ៥២ម៉ឺនសហគ្រាស ស្មើនឹង ៩៩,៨% នៃក្រុមហ៊ុនទាំងអស់ បានផ្ដល់ការងារជូនប្រជាជនចំនួន ៧០% និងរួមចំណែកប្រមាណ ៥៨%នៃផលិតផលក្នុងស្រុកសរុប (GDP)៕
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៣ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ