Connect with us

សេដ្ឋកិច្ច

រោងចក្រសហគ្រាសជិត ១៧០០០ កំពុងដំណើរការ​នៅកម្ពុជា ដោយផ្តល់ការងារ​ដល់កម្មករជាង ១លាន ៥សែននាក់

បានផុស

នៅ

បច្ចុប្បន្នកម្ពុជា មានរោងចក្រសហគ្រាសសេដ្ឋកិច្ចក្នុងប្រព័ន្ធកើនឡើងដល់ជិត១៧០០០សហគ្រាស ដែលបានផ្តល់​ការងារដល់កម្មករនិយោជិតជាង១លាន៥សែននាក់ ឱ្យទទួលបានប្រាក់ឈ្មួលជា​មធ្យមសរុបជាង៣,៩៨ប៊ីលានដុល្លារ​អាមេរិកក្នុង១ឆ្នាំៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការកើនឡើងរោងចក្រសហគ្រាសនេះ ដោយសាររាជរដ្ឋាភិបាលដែលមានក្រសួងការងារនិងបណ្តុះបណ្តាលវិជ្ជាជីវៈ ជាសេនាធិការបានយកចិត្តទុកដាក់ក្នុងការលើកកម្ពស់លក្ខខណ្ឌការងារ និងសុខដុមនីយកម្មនៃទំនាក់ទំនងវិជ្ជាជីវៈ​បានល្អប្រសើរធ្វើឱ្យអ្នកវិនិយោគិនជឿទុកចិត្ត បានបោះទុនវិនិយោគនៅប្រទេសកម្ពុជា។

យោងតាមរបាយការណ៍របស់ក្រសួងការងារ និងបណ្តុះបណ្តាលវិជ្ជាជីវៈដែលទើបចេញផ្សាយនាពេលថ្មីៗនេះ​បាន​បង្ហាញថា ចំនួនរោងចក្រសហគ្រាសសេដ្ឋកិច្ចក្នុងប្រព័ន្ធបានកើនឡើងពី១៣៥៧១សហគ្រាស មានកម្មករ​និយោជិត​១៤៣៧២៨១នាក់នៅឆ្នាំ២០២១មកដល់១៦៨២៨សហគ្រាស ដោយមានកម្មករនិយោជិត ១៥២៨៣៨៣នាក់ នៅក្នុង​ឆ្នាំ២០២២ ក្នុងនោះរោងចក្រសហគ្រាសវិស័យកាត់ដេរចំនួន ១៣២១សហគ្រាស កើន៨,៣៧ភាគរយ​មានកម្មករ​និយោជិត ៨៨៤១៥១នាក់ ស្រី៦៩៨២៦៦នាក់ និងរោងចក្រសហគ្រាសក្រៅពីវិស័យកាត់ដេរចំនួន១៥៥០៧សហគ្រាសកើនឡើង ២៥,៥៤ភាគរយមានកម្មករនិយោជិត​ចំនួន៦៤៤២៣២នាក់ស្រី ២៧៥៣៩៩នាក់។

ស្ថានភាពទីផ្សារការងារនៅកម្ពុជា មានភាពរឹងមាំដោយរក្សាបានអត្រាអ្នកមានការងារធ្វើខ្ពស់ប្រមាណ ៩៩,៣ភាគរយ​នៃកម្លាំង​ពលកម្មសរុបប្រមាណ ១០,៨លាននាក់។

យោងតាមរបាយការណ៍បានឱ្យដឹងទៀតថា ក្នុងចំណោមនោះ អ្នកកំពុងធ្វើការក្នុងប្រទេសក្នុងវិស័យឧស្សាហកម្មចំនួន ២,៥លាននាក់ស្មើនឹង ២៣ភាគរយ វិស័យសេវាកម្មចំនួន ៣,១លាននាក់ ស្មើនឹង ២៩ភាគរយវិស័យកសិកម្មចំនួន ៣,៤លាននាក់ ស្មើនឹង ៣១ភាគរយមន្ត្រីរាជការចំនួន៥០ម៉ឺននាក់ស្មើនឹង៥ភាគរយ​និងពលករទេសន្តរប្រវេសន៍ចំនួន​១៣២១៥០៦នាក់ ស្មើនឹង ១២ភាគរយក្នុងនោះ ប្រទេសថៃចំនួន ១២៣១៥០៨នាក់ ប្រទេសជប៉ុនចំនួន ៤៩៧៣៨នាក់ ប្រទេសម៉ាឡេស៊ីចំនួន ២២៦២១នាក់ ប្រទេសសឹង្ហបុរីចំនួន ៨៥១នាក់ ប្រទេសអារ៉ាប់ប៊ីសាអូឌីតចំនួន១១នាក់ និងតំបន់រដ្ឋបាលពិសេសហុងកុងចំនួន ២១៥នាក់ហើយជាមធ្យមបានបញ្ជូនប្រាក់បញ្ញើមកក្នុងប្រទេសវិញចំនួន ២,៧ប៊ីលានដុល្លារអាមេរិក៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២ ម៉ោង មុន

តើវិបត្តិនៅសមុទ្រក្រហម បង្កឱ្យមានផលប៉ះពាល់អ្វីខ្លះដល់សហភាពអ៊ឺរ៉ុប?

ព័ត៌មានជាតិ៣ ម៉ោង មុន

លោក ហេង សួរ ដឹកនាំ​កិច្ចប្រជុំ​អន្តរក្រសួង​ស្តីពី​វិធាន​ការរួម​ដើម្បី​ទប់ស្កាត់​អគ្គិភ័យ​ក្នុង​វិស័យ​កម្ម​មន្ត​សាល និង​ឧស្សាហកម្ម​ទេសចរណ៍

ចរាចរណ៍៣ ម៉ោង មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ព័ត៌មានអន្ដរជាតិ៦ ម៉ោង មុន

ជប៉ុន កាត់ទោសប្រហារជីវិតបុរសម្នាក់ ក្នុងករណីដុតស្ទូឌីយូគំនូរជីវចល KyoAni សម្លាប់មនុស្សជាង ៣០នាក់

ព័ត៌មានអន្ដរជាតិ៧ ម៉ោង មុន

សិង្ហបុរី និងចិន ចុះហេត្ថលេខាព្រមព្រៀង ទៅលើការចូលប្រទេសគ្នាទៅវិញទៅមក ដោយមិនមានទិដ្ឋាការរយៈពេល ៣០ ថ្ងៃ

ព័ត៌មានអន្ដរជាតិ៥ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៤ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៦ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម