សេដ្ឋកិច្ច
ថៃ ដាក់គោលដៅនាំចេញអង្ករ ៨ លានតោនក្នុងឆ្នាំនេះ
ដោយសារតែទិន្នផលអង្ករកើនឡើង ថៃបានដាក់ចេញគោលដៅនាំចេញអង្ករសម្រាប់ឆ្នាំ ២០២៣ រហូតដល់ ៨ លានតោន ពោលកើនពីគោលដៅមុនដែលមានចំនួន ៧.៥ លានតោន ។
លោក អានុចា ប៊ូរ៉ាប៉ាចៃស្រ៊ី (Anucha Burapachaisri) អ្នកនាំពាក្យរដ្ឋាភិបាលថៃបាននិយាយថា អង្ករថៃនឹងរំពឹងនាំចេញកាន់តែខ្ពស់ ខណៈដែលសេដ្ឋកិច្ចសកលកំពុងងើបឡើងវិញ ។ ជាក់ស្ដែងត្រឹមតែរយៈពេល ២ ខែប៉ុណ្ណោះនៃឆ្នាំនេះ ថៃបាននាំចេញអង្ករចំនួន ១.៣៩ លានតោនទៅហើយ ខណៈ ៥២ ភាគរយគឺនាំចេញទៅកាន់ទីផ្សារអាស៊ី ។
ជាមួយគ្នានោះ លោក Anucha បញ្ជាក់ថា ក្រោមយុទ្ធសាស្ត្រផលិតកម្មនាពេលខាងមុខ ថៃ នឹងបង្កើនទិន្នផល ស្រូវរបស់ខ្លួន ៦ ភាគរយពីរដូវមុន ពោលសម្រេចឲ្យបាន ២៩.៣ លានតោនក្នុងឆ្នាំ ២០២៣ និង ២០២៤ ។
យោងតាមសេចក្តីថ្លែងការណ៍បានឲ្យដឹងថា អង្ករសរុបចំនួន ១០.១២ លានតោន ត្រូវបានបែងចែកសម្រាប់ប្រើប្រាស់ក្នុងស្រុក ខណៈដែលអង្ករចំនួន ៨ លានតោនទៀត កំណត់សម្រាប់ការនាំចេញ និង ១.៤១ លានតោន ត្រូវបម្រុងទុកសម្រាប់ស្តុកគ្រាប់ពូជ ។
គួរបញ្ជាក់ថា ថៃបាននាំចេញអង្ករចំនួន ៧.៦៩ លានតោនកាលពីឆ្នាំមុន ពោលលើសពីគោលដៅប្រចាំឆ្នាំរបស់ខ្លួន ដែលមានចំនួនត្រឹម ៧.៥ លានតោន ខណៈការនាំចេញទាំងនោះគឺទៅកាន់ទីផ្សារធំៗរួមមាន ប្រទេសអ៊ីរ៉ាក់ អាហ្រ្វិកខាងត្បូង និងប្រទេសចិន ៕
ប្រែសម្រួលដោយ ៖ នាង រតនៈ
ប្រភព ៖ Xinhua
-
ព័ត៌មានអន្ដរជាតិ២ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
សេដ្ឋកិច្ច៤ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៥ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៧ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម៣ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម