សេដ្ឋកិច្ច
ខែឧសភា CDC អនុម័តគម្រោងវិនិយោគចំនួន ១០ មានទុនជាង ៦០ លានដុល្លារ ថយចុះជាងឆ្នាំមុន
ក្រុមប្រឹក្សាអភិវឌ្ឍន៍កម្ពុជា ដែលហៅកាត់ថា (CDC) បានឲ្យដឹងថា នៅក្នុងខែឧសភា ឆ្នាំ ២០២៣ នេះ CDC បានអនុម័តគម្រោងវិនិយោគចំនួន ១០ ក្រុមហ៊ុន មានទុនវិនិយោគ ៦០,១៤ លានដុល្លារ ដោយផ្ដល់ឱកាសការងារជូនប្រជាពលរដ្ឋ ១៣៩៨៧ កន្លែង។
ចំនួននេះបើប្រៀបធៀបទៅនឹងខែឧសភា ឆ្នាំ ២០២២ ឃើញថា មានការថយចុះគួរឲ្យកត់សម្គាល់ ខណៈខែឧសភា ឆ្នាំ ២០២២ កន្លងទៅ CDC បានអនុម័តគម្រោងវិនិយោគ ២០ ក្រុមហ៊ុន មានទុនវិនិយោគចំនួន ១៩៨,១ លានដុល្លារ ដោយផ្ដល់ឱកាសការងារជូនដល់ប្រជាពលរដ្ឋ ១២៣៩៥ កន្លែង។
បើតាមរបាយការណ៍ប្រចាំថ្ងៃរបស់ក្រុមប្រឹក្សាអភិវឌ្ឍន៍កម្ពុជា បានឲ្យដឹងថា ក្នុងចំណោមគម្រោងវិនិយោគចំនួន ១០ ក្នុងនោះ រួមមាន ៖
១-ក្រុមហ៊ុន“BOLITO GARMENT CO., LTD” គម្រោងបង្កើតរោងចក្រកាត់ដេរសម្លៀកបំពាក់នៅខេត្តកណ្ដាល ក្នុងទុនវិនិយោគ ៥,២ លានដុល្លារ និងអាចបង្កើតការងារបានចំនួន ១.៣៣៦ កន្លែង។
២-ក្រុមហ៊ុន“XIN LI AN SHOES CO., LTD” គម្រោងបង្កើតរោងចក្រផលិតគ្រឿងបន្សំស្បែកជើងនៅរាជធានីភ្នំពេញ ក្នុងទុនវិនិយោគប្រមាណ ៥,១ លានដុល្លារ និងអាចបង្កើតការងារបានចំនួន ៤៦៨ កន្លែង។
៣-ក្រុមហ៊ុន“NEW HM KNITTING CLOTHING (CAMBODIA) CO., LTD” គម្រោងបង្កើតរោងចក្រកាត់ដេរសម្លៀកបំពាក់នៅខេត្តកំពង់ស្ពឺ ក្នុងទុនវិនិយោគប្រមាណ ៥,១ លានដុល្លារ និងអាចបង្កើតការងារបានចំនួន ១.៤៣១ កន្លែង។
៤-ក្រុមហ៊ុនGENMEI INDUSTRIAL (CAMBODIA) CO., LTD គម្រោងបង្កើតរោងចក្រកាត់ដេរសម្លៀកបំពាក់នៅខេត្តកំពង់ស្ពឺ ក្នុងទុនវិនិយោគប្រមាណ ៥,៨ លានដុល្លារ និងអាចបង្កើតការងារបានចំនួន ៣.៧៦៩ កន្លែង។
៥-ក្រុមហ៊ុនTAI FONG SHOES(CAMBODIA)MANUFACTURING CO., LTD គម្រោងបង្កើតរោងចក្រផលិតស្បែកជើង នៅខេត្តកំពង់ស្ពឺ ក្នុងទុនវិនិយោគប្រមាណ ៥,៦ លានដុល្លារ និងអាចបង្កើតការងារបានចំនួន ១.៩២៨ កន្លែង។
៦-ក្រុមហ៊ុន“Z.S.M GARMENT (CAMBODIA) CO., LTD” គម្រោងបង្កើតរោងចក្រកាត់ដេរសម្លៀកបំពាក់ នៅរាជធានីភ្នំពេញ ទុនវិនិយោគប្រមាណ ៥,១ លានដុល្លារ និងអាចបង្កើតការងារបានចំនួន ១.៨៨៦ កន្លែង។
៧-ក្រុមហ៊ុន “SUXINGMAX GARMENT (CAMBODIA) CO., LTD” គម្រោងបង្កើតរោងចក្រកាត់ដេរសម្លៀកបំពាក់នៅខេត្តកំពង់ស្ពឺ ក្នុងទុនវិនិយោគប្រមាណ ៥,០៤ លានដុល្លារ និងអាចបង្កើតការងារបានចំនួន ១.១៨៦ កន្លែង។
៨-ក្រុមហ៊ុន “LE HOO (CAMBODIA) FURNITURE COMPANY LIMITED.” គម្រោងបង្កើតរោងចក្រផលិតគ្រឿងសង្ហារិមគ្រប់ប្រភេទ នៅក្នុងតំបន់សេដ្ឋកិច្ចពិសេស តាយសេង បាវិត, ខេត្តស្វាយរៀង, ក្នុងទុនវិនិយោគប្រមាណ ១៣,២ លានដុល្លារ និងអាចបង្កើតការងារបានចំនួន ៥៩២ កន្លែង។
៩-ក្រុមហ៊ុន “XINKAIDA LIGHTING CO., LTD.” គម្រោងបង្កើតរោងចក្រផលិតខ្សែភ្លើង ឧបករណ៍អគ្គិសនី អំពូលលម្អ គ្រឿងឧបករណ៍អគ្គិសនី និងគ្រឿងបង្គំអំពូលលម្អគ្រប់ប្រភេទ នៅក្នុងតំបន់សេដ្ឋកិច្ចពិសេស តាយសេង បាវិត, ខេត្តស្វាយរៀង, ក្នុងទុនវិនិយោគប្រមាណ ៨ លានដុល្លារ និងអាចបង្កើតការងារបានចំនួន ១.២៤១ កន្លែង។
១០-ក្រុមហ៊ុន“GUANGBO (CAMBODIA) INDUSTRIAL CO., LTD.” គម្រោងបង្កើតរោងចក្រផលិតសម្ភារៈការិយាល័យ នៅក្នុងតំបន់សេដ្ឋកិច្ចពិសេស ខេមបូឌាន ចេជាង ហ្គ័រជី, ខេត្តព្រះសីហនុ, ក្នុងទុនវិនិយោគចំនួន ២ លានដុល្លារ និងអាចបង្កើតការងារបានចំនួនប្រមាណ ១៥០ កន្លែង។
គួរបញ្ជាក់ថា នៅក្នុងខែមេសា ឆ្នាំ ២០២៣ កន្លងទៅនេះ CDC បានអនុម័តគម្រោងវិនិយោគចំនួន ២០ ក្រុមហ៊ុន មានទុនវិនិយោគចំនួន ២៤៧,៧ លានដុល្លារអាមេរិក ដោយផ្ដល់ឱកាសការងារជូនដល់ប្រជាពលរដ្ឋចំនួន ១៧៧២៣ កន្លែង៕
អត្ថបទ ៖ សំអឿន
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១៥ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម២៣ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ