ព័ត៌មានអន្ដរជាតិ
អ្នកជំនាញថៃ ព្រមានឱ្យក្រុមហ៊ុនអាជីវកម្មថៃត្រៀមខ្លួនសម្រាប់លទ្ធផលបោះឆ្នោតអាមេរិក
ការិយាល័យគោលនយោបាយ និងយុទ្ធសាស្ត្រពាណិជ្ជកម្ម (TPSO) របស់ប្រទេសថៃ បានជំរុញឱ្យក្រុមហ៊ុនអាជីវកម្មថៃ ធ្វើពិពិធកម្មទីផ្សាររបស់ខ្លួន ដើម្បីកាត់បន្ថយផលប៉ះពាល់នៃគោលនយោបាយរបស់ប្រធានាធិបតីអាមេរិកថ្មី ខណៈការបោះឆ្នោតប្រធានាធិបតីអាមេរិកខិតចូលកាន់តែជិត។ នេះបើតាមការចុះផ្សាយរបស់កាសែត The Nation។
ការព្រមាននេះ គឺជាផ្នែកមួយនៃរបាយការណ៍ដែលការិយាល័យបានចេញផ្សាយ ស្តីពីផលប៉ះពាល់សេដ្ឋកិច្ចដែលទំនងកើតមានឡើងពីការបោះឆ្នោតអាមេរិកនាថ្ងៃទី ៥ ខែវិច្ឆិកា ខាងមុខ ដែលទាមទារឱ្យក្រុមហ៊ុនអាជីវកម្មថៃត្រៀមខ្លួន។
ប្រធាន TPSO លោក Poonpong Nayanapakorn បានថ្លែងថា ការប្រកួតប្រជែងគ្នារវាងលោកស្រីអនុប្រធានាធិបតី កាម៉ាឡា ហារីស មកពីគណបក្សប្រជាធិបតេយ្យ និងលោកអតីតប្រធានាធិបតី ដូណាល់ ត្រាំ មកពីបក្សសាធារណរដ្ឋ រំពឹងថានឹងមានឥទ្ធិពលយ៉ាងខ្លាំងលើសេដ្ឋកិច្ចថៃ។
របាយការណ៍របស់ការិយាល័យ បានគូសបញ្ជាក់ពីផលវិជ្ជមានច្រើនសម្រាប់សេដ្ឋកិច្ចថៃ ប្រសិនបើលោកស្រី ហារីស ឈ្នះការបោះឆ្នោត។ ក្នុងសេណារីយ៉ូ ដែលអនុប្រធានាធិបតីអាមេរិកបច្ចុប្បន្នរូបនេះ ទទួលបានការគាំទ្រគ្រប់គ្រាន់ដើម្បីកាន់អំណាច នោះនឹងមាន៖ ការបង្កើនការគាំទ្រសម្រាប់ពាណិជ្ជកម្មសេរី ជាពិសេសសម្រាប់កិច្ចព្រមព្រៀងដែលមានថៃនៅក្នុង, ការពង្រឹងកិច្ចសហប្រតិបត្តិការបច្ចេកវិទ្យាជាមួយដៃគូអាស៊ី ដែលផ្តល់អត្ថប្រយោជន៍ដល់គំនិតផ្តួចផ្តើមឧស្សាហកម្ម ៤.០ របស់ប្រទេសថៃ, ការបង្កើនឱកាសវិនិយោគក្នុងបច្ចេកវិទ្យាស្អាត និងនវានុវត្តន៍, និងលទ្ធភាពបន្ទន់វិធានការប្រឆាំងនឹងចិនជាដើម។
ក្នុងសេណារីយ៉ូដែលលោក ត្រាំ ឈ្នះឆ្នោតវិញ របាយការណ៍របស់ TPSO បានប្រាប់ឱ្យក្រុមហ៊ុនអាជីវកម្មថៃត្រៀមខ្លួនចំពោះ៖ ការបង្កើនពន្ធលើទំនិញនាំចូលអាមេរិក ជាពិសេសលើទំនិញចិន, លទ្ធភាពនៃការផ្លាស់ប្តូរមូលដ្ឋានផលិតកម្មរបស់ក្រុមហ៊ុនផ្សេងៗពីចិនមកថៃ, ការធ្លាក់ចុះនៃការវិនិយោគរបស់អាមេរិកនៅថៃ ជាពិសេសក្នុងវិស័យផលិតកម្ម, និងការរឹតបន្តឹងលើការចូលប្រើប្រាស់បច្ចេកវិទ្យាទំនើបរបស់អាមេរិកជាដើម។
TPSO បាននិយាយថា សេណារីយ៉ូទាំង២បង្ហាញពីបញ្ហាប្រឈមផ្សេងគ្នាសម្រាប់សេដ្ឋកិច្ចថៃ ជាពិសេសទាក់ទងនឹងពាណិជ្ជកម្ម ការវិនិយោគ និងអតិផរណា។ គោលនយោបាយរបស់លោកស្រី ហារីស អាចនាំឱ្យតម្លៃទំនិញមានស្ថិរភាពជាងនៅទូទាំងពិភពលោក ខណៈគោលនយោបាយរបស់លោក ត្រាំ អាចបង្កើនសម្ពាធអតិផរណា និងប៉ះពាល់ដល់ការប្រកួតប្រជែងនៃការនាំចេញរបស់ថៃ។
ក្នុងលក្ខខណ្ឌបែបនេះ លោក Poonpong បានជំរុញឱ្យសហគ្រិនថៃត្រៀមខ្លួនសម្រាប់ឱកាស និងហានិភ័យដែលអាចកើតមានពីការបោះឆ្នោតប្រធានាធិបតីអាមេរិកនាពេលខាងមុខ។ លោកបានសង្កត់ធ្ងន់លើសារៈសំខាន់នៃការធ្វើពិពិធកម្មទីផ្សារនាំចេញលើសពីសហរដ្ឋអាមេរិក ដើម្បីកាត់បន្ថយការពឹងផ្អែកលើទីផ្សារតែមួយ និងធានាបាននូវភាពធន់កាន់តែខ្លាំង ចំពេលមានភាពមិនប្រាកដប្រជាក្នុងទំនាក់ទំនងពាណិជ្ជកម្មអន្តរជាតិ៕
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៥ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៤ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៦ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានអន្ដរជាតិ១៨ ម៉ោង agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន