ព័ត៌មានអន្ដរជាតិ
Honda និង Nissan ពិភាក្សាពីការច្របាច់បញ្ចូលគ្នា ដើម្បីជម្នះការប្រកួតប្រជែងក្នុងឧស្សាហកម្មយានយន្ត
ក្រុមហ៊ុនផលិតរថយន្តយក្សរបស់ជប៉ុន រួមមាន Honda និង Nissan កំពុងស្ថិតនៅក្នុងដំណាក់កាលបឋមនៃការពិភាក្សាស្ដីពីការច្របាច់បញ្ជូលគ្នា ដើម្បីប្រកួតប្រជែងនឹងក្រុមហ៊ុនផលិតរថយន្តអគ្គិសនីផ្សេងៗ ដូចជា Tesla និងក្រុមហ៊ុនចិន។ នេះបើតាមការចុះផ្សាយរបស់ទីភ្នាក់ងារសារព័ត៌មាន AFP នៅថ្ងៃពុធនេះ។
អ្នកនាំពាក្យក្រុមហ៊ុន Honda បានប្រាប់ AFP នៅថ្ងៃពុធនេះថា៖ «យើងកំពុងពិភាក្សាអំពីលទ្ធភាពសម្រាប់កិច្ចសហប្រតិបត្តិការនៅវិស័យផ្សេងៗដោយប្រើប្រាស់ភាពខ្លាំងរបស់គ្នាទៅវិញទៅមក ហើយលទ្ធភាពទាំងនោះ រួមទាំងការរាយការណ៍ចុងក្រោយបង្អស់ ប៉ុន្តែមិនមានអ្វីសម្រេចនៅឡើយទេ»។ អ្នកនាំពាក្យដដែលថ្លែងយ៉ាងដូច្នេះ ដោយសំដៅលើការរាយការណ៍របស់សារព័ត៌មានជាច្រើន ស្ដីពីការច្របាច់បញ្ជូលគ្នា។
ចំណែកឯក្រុមហ៊ុន Nissan វិញ បាននិយាយថា៖ «ខ្លឹមសារនៃការរាយការណ៍ផ្សេងៗនោះ មិនមែនជាអ្វីដែលក្រុមហ៊ុនណាមួយបានប្រកាសឡើងនោះទេ។ ប្រសិនបើមានការបច្ចុប្បន្នភាពណាមួយ យើងនឹងជូនដំណឹងដល់ភាគីពាក់ព័ន្ធរបស់យើងនៅពេលដ៏សមស្រប»។
គេមើលឃើញថា ការពិភាក្សាគ្នាលើបញ្ហាច្របាច់បញ្ញូលគ្នានេះ ធ្វើឡើងក្រោយក្រុមហ៊ុនទាំង២ បានឯកភាពគ្នាកាលពីខែមីនា ដើម្បីស្វែងរកភាពជាដៃគូយុទ្ធសាស្ត្រលើវិស័យរថយន្តអគ្គិសនី ខណៈក្រុមហ៊ុនផលិតរថយន្តធំៗនៅលើពិភពលោក កំពុងរងការប្រកួតប្រជែងដ៏ក្លាំងក្លាលើវិស័យរថយន្តអគ្គិសនី ជាពិសេសពីក្រុមហ៊ុនដៃគូប្រកួតប្រជែងមកពីចិន ដូចជាក្រុមហ៊ុន BYD ជាដើម។ ជាឧទាហរណ៍ ក្រុមហ៊ុនផលិតរថយន្ត Volkswagen កំពុងពិចារណាបិទរោងចក្រអាល្លឺម៉ង់ជាលើកដំបូងក្នុងប្រវត្តិសាស្ត្ររបស់ខ្លួន ដោយសារតែពិបាកក្នុងការបន្តការប្រកួតប្រជែង។
កាលពីខែមុន ក្រុមហ៊ុន Nissan បានប្រកាសកាត់បន្ថយការងារចំនួន ៩ ០០០ កន្លែង បន្ថយការព្យាករការលក់រថយន្តរបស់ខ្លួន ហើយបាននិយាយថា ខ្លួននឹងកាត់សមត្ថភាពផលិតកម្មសកលចំនួន ២០ ភាគរយ ខណៈការលក់ធ្លាក់ចុះ។
គួរគូសបញ្ជាក់ថា ចិនបានវ៉ាដាច់ជប៉ុនក្លាយជាប្រទេសនាំចេញរថយន្តដ៏ធំបំផុតជាងគេរបស់ពិភពលោកក្នុងឆ្នាំ ២០២៣ ដោយសារភាពលេចធ្លោនៃរថយន្តអគ្គិសនីរបស់ប្រទេសនេះ។
ចំពេលដែលការប្រកួតប្រជែងកាន់តែខ្លាំង ក្រុមហ៊ុន Honda បានប្រកាសផែនការកាលពីខែឧសភា ដើម្បីវិនិយោគទ្វេដងលើរថយន្តអគ្គិសនីដល់ទៅ ៦៥ ប៊ីលានដុល្លារ ត្រឹមឆ្នាំ ២០៣០។ នាពេលកន្លងមក ក្រុមហ៊ុន Nissan ក៏បានបង្ហាញពីមហិច្ឆតាស្រដៀងគ្នា៕
រដ្ឋមន្ត្រី៖ ការផ្សាយព័ត៌មានក្លែងក្លាយ មិនមែនជាសេរីភាពសារព័ត៌មានឡើយ ហើយការផ្សាយបែបនេះ ត្រូវទទួលទោសតាមច្បាប់
ចូលឆ្នាំថ្មីឆ្នាំម្សាញ់នេះ នៅភ្នំពេញ នឹងបើកឱ្យមានការលេងកម្សាន្តសប្បាយ រហូត ៥ ថ្ងៃ ចាប់ពីថ្ងៃទី ១២ មេសា តទៅ
តើការបំពាក់ប្រព័ន្ធប្រកាសអាសន្នគ្រោះរញ្ជួយដី មានតម្លៃប៉ុន្មានសម្រាប់ប្រទេសនីមួយៗ?
ការរញ្ជួយដីបណ្តាលឱ្យខូចខាតដល់សេដ្ឋកិច្ចថៃធ្ងន់ធ្ងរ ជាពិសេសវិស័យអចលនទ្រព្យ
ការលក់ EV របស់ Tesla បន្តធ្លាក់ចុះធ្ងន់ធ្ងរ នៅបណ្ដាប្រទេសអឺរ៉ុប
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
ផ្ទុះបំពង់បង្ហូរឧស្ម័ននៅម៉ាឡេស៊ី បណ្ដាលឲ្យរបួសមនុស្ស២៥នាក់
អ្នកស្លាប់ព្រោះរញ្ជួយដីនៅមីយ៉ាន់ម៉ា មានលើសពី ៣ ០០០នាក់ហើយ
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ៤ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៥ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ១ សប្តាហ៍ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៤ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ១ សប្តាហ៍ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
សន្តិសុខសង្គម១៨ ម៉ោង agoនគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
សន្តិសុខសង្គម៤ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ២ ថ្ងៃ agoកើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី