ព័ត៌មានអន្ដរជាតិ
មន្រ្តីជាន់ខ្ពស់អាមេរិក-ចិន បង្ហាញពីសុទិដ្ឋិនិយមលើការចរចាពន្ធគយ
មន្រ្តីជាន់ខ្ពស់សហរដ្ឋអាមេរិក និងចិន បានបញ្ចប់កិច្ចប្រជុំចរចាកម្រិតខ្ពស់ជុំវិញបញ្ហាពន្ធរយៈពេល ២ ថ្ងៃរបស់ខ្លួន កាលពីថ្ងៃអាទិត្យនៅទីក្រុងហ្សឺណែវ (ស្វីស) ដោយបង្ហាញពីសុទិដ្ឋិយមពីសមិទ្ធផល និងការព្រមព្រៀងជួបប្រជុំសន្ទនាគ្នាជាថ្មី។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។
ភាគីទាំង២ មិនបានបញ្ចេញព័ត៌មានលម្អិតភ្លាមៗទេ ប៉ុន្តែឧបនាយករដ្ឋមន្ត្រីចិន លោក He Lifeng បាននិយាយថា ទ្វេភាគីនឹងចេញសេចក្តីថ្លែងការណ៍រួមពីទីក្រុងហ្សឺណែវ នាថ្ងៃចន្ទនេះ។
ចំណែកឯអនុរដ្ឋមន្ត្រីក្រសួងពាណិជ្ជកម្មចិន លោក Li Chenggang បាននិយាយថា វានឹងមាន «ដំណឹងល្អសម្រាប់ពិភពលោក» ចំពេលដែលរដ្ឋមន្ត្រីក្រសួងរតនាគារអាមេរិក លោក Scott Bessent និងតំណាងសភាពាណិជ្ជកម្មអាមេរិក លោក Jamieson Greerបានលើកឡើងពីការចរចាពាណិជ្ជកម្ម «ប្រកបដោយផលិតភាព» និង «វឌ្ឍនភាពគួរឱ្យកត់សម្គាល់»។
មន្រ្តីអាមេរិក និងចិនដដែល មិនបានបង្ហាញពីលទ្ធភាពដែលថា មានការកាត់បន្ថយចំពោះពន្ធ ១៤៥ ភាគរយ លើទំនិញចិនរបស់អាមេរិក និងពន្ធ ១២៥ ភាគរយ លើទំនិញអាមេរិករបស់ចិននោះទេ។
យ៉ាងណាមិញ លោក Greer បាននិយាយថា កិច្ចប្រជុំរយៈពេល ២ ថ្ងៃដដែល នឹងជួយកាត់បន្ថយឱនភាពពាណិជ្ជកម្មអាមេរិកជាមួយដៃគូពាណិជ្ជកម្មសកលទូទាំងពិភពលោក ប្រមាណ ១,២ ទ្រីលានដុល្លារ កាលពីឆ្នាំមុន។ លោកហៅមន្រ្តីជាន់ខ្ពស់ចិន ថាជា «អ្នកចរចាដ៏តឹងតែង»។
ឧបនាយករដ្ឋមន្ត្រីចិន He ឯណោះវិញ បានប្រាប់អ្នកសារព័ត៌មាននៅតំណាងទូតចិនប្រចាំអង្គការពាណិជ្ជកម្មពិភពលោក ថា កិច្ចចរចាជាមួយអាមេរិក មាន «ភាពស្មោះត្រង់ ស៊ីជម្រៅ និងស្ថាបនា» លើបញ្ហាដែលគួរឱ្យព្រួយបារម្ភចំពោះប្រទេសទាំង២។ លោកបន្តថា៖ «កិច្ចប្រជុំសម្រេចបានការរីកចម្រើនយ៉ាងខ្លាំង និងឈានដល់ការយល់ព្រមដ៏សំខាន់»។
គួរគូសបញ្ជាក់ថា នេះគឺជាសញ្ញានៃការបន្ធូរបន្ថយភាពតានតឹងចុងក្រោយរវាងមហាអំណាចសេដ្ឋកិច្ចសហរដ្ឋអាមេរិក និងចិន ដែលបង្កក្ដីបារម្ភពីភាពមិនប្រាកដប្រជាសេដ្ឋកិច្ចជុំវិញពិភពលោក។ ថ្មីៗនេះ ប្រធានាធិបតីអាមេរិក បានលើកឡើងថា ការបន្ធូរបន្ថយពន្ធមកត្រឹម ៨០ ភាគរយ លើទំនិញចិន គឺសមស្រប ហើយសុំឱ្យចិនបើកទីផ្សារខ្លួន។
ចិនដែលមានអតិរេកពាណិជ្ជកម្មជាមួយអាមេរិកប្រមាណជាង ២៩០ ប៊ីលានដុល្លារ កាលពីឆ្នាំមុន ក៏បង្ហាញពីជំហរចរចាផងដែរ ប៉ុន្តែថា ការព្រមព្រៀងពាណិជ្ជកម្មណាមួយត្រូវតែធ្វើឡើងដោយមិនបង្កការខូចខាតដល់ផលប្រយោជន៍ចិន៕
-
ព័ត៌មានជាតិ១ សប្តាហ៍ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៤ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៣ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៥ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង