ព័ត៌មានអន្ដរជាតិ

ចិនប្រតិកម្មខ្លាំងលើ៣ចំណុច ក្រោយជប៉ុនបង្កើតទីភ្នាក់ងារស៊ើបការណ៍សម្ងាត់ជាតិ

បានផុស

២៣ វិនាទី មុន

នៅ

ថ្ងៃពុធ ១៥ កក្កដា ២០២៦

ដោយ

ប្រទេសចិនបានរិះគន់និងសម្តែងការព្រួយបារម្ភយ៉ាងខ្លាំង ចំពោះការបង្កើតទីភ្នាក់ងារស៊ើបការណ៍សម្ងាត់ជាតិ និងក្រុមប្រឹក្សាស៊ើបការណ៍សម្ងាត់ជាតិថ្មីមួយរបស់ប្រទេសជប៉ុន។

សារព័ត៌មាន South China Morning Post បានចុះផ្សាយថា ប្រទេសចិនបានប្រតិកម្មលើប្រទេសជប៉ុនរួមមាន៖

លោក វ៉ាង យី អ្នកការទូតកំពូលចិន។ រូបភាព៖ Reuters

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១. ក្តីបារម្ភផ្នែកប្រវត្តិសាស្ត្រ៖ ក្រសួងការបរទេសចិនបានបញ្ជាក់ថា ទីភ្នាក់ងារស៊ើបការណ៍សម្ងាត់ជប៉ុន បានដាក់មូលដ្ឋានគ្រឹះសម្រាប់យោធានិយម និងសង្គ្រាមឈ្លានពានរបស់ជប៉ុនតាមប្រវត្តិសាស្ត្រ។ ទីក្រុងប៉េកាំងបានជំរុញឱ្យមេដឹកនាំជប៉ុនរៀនសូត្រពីប្រវត្តិសាស្ត្រជាជាងជំរុញឱ្យមានយោធានិយមថ្មី។

២. ការព្រមានសន្តិសុខជាតិ៖ ក្រសួងសន្តិសុខរដ្ឋចិនបានសន្យាថានឹងបង្ក្រាបចារកម្ម និងការជ្រៀតចូល ដោយចោទប្រកាន់ចារកម្មជប៉ុនពីបទលួចអាថ៌កំបាំងរដ្ឋ និងរៀបចំផែនការប្រឆាំងនឹងប្រទេសចិន។ ការណ៍នេះបាននាំឱ្យមានការចាប់ខ្លួន និងការកាត់ទោសពលរដ្ឋជប៉ុននៅក្នុងប្រទេសចិន ដែលបានធ្វើឱ្យទំនាក់ទំនងសេដ្ឋកិច្ច និងការទូតទ្វេភាគីមានភាពរង្គោះរង្គើយ៉ាងខ្លាំង។

៣. ការសងសឹក៖ ដើម្បីឆ្លើយតបទៅនឹងការកសាងវិស័យការពារជាតិ និងចារកម្មកាន់តែទូលំទូលាយរបស់ទីក្រុងតូក្យូ ទីក្រុងប៉េកាំងបានដាក់វិទ្យាស្ថានស្រាវជ្រាវ និងអង្គការការពារជាតិជប៉ុនទៅក្នុងបញ្ជីខ្មៅនាំចេញ ហើយធ្វើប្រតិបត្តិការប្រឆាំងចារកម្ម ដើម្បីទប់ស្កាត់ការប្រមូលព័ត៌មានស៊ើបការណ៍សម្ងាត់ប្រទេសនេះ៕

សម្រួល៖ ណឺ មិនា