ព័ត៌មានអន្ដរជាតិ
ពូទីន៖ រុស្ស៊ីនឹងជំរុញការផ្គត់ផ្គង់ប្រេងដល់ឥណ្ឌូណេស៊ី
ប្រធានាធិបតីរុស្ស៊ី លោក វ្ល៉ាឌីមៀរ ពូទីន បានប្រាប់ប្រធានាធិបតីឥណ្ឌូណេស៊ី លោក ប្រាបូវូ ស៊ូប៊ីយ៉ានតូ កាលពីថ្ងៃព្រហស្បតិ៍ថា រុស្ស៊ីមានឆន្ទៈក្នុងការក្លាយជាអ្នកផ្គត់ផ្គង់ប្រេងសម្រាប់ឥណ្ឌូណេស៊ី ខណៈវិមានក្រឹមឡាំងចង់បង្កើនទំនាក់ទំនងសេដ្ឋកិច្ចកាន់តែជិតស្និទ្ធជាមួយរដ្ឋាភិបាលក្រុងហ្សាកាតា។ នេះបើតាមការចុះផ្សាយរបស់ Jakarta Globe។
ការប្ដេជ្ញានេះ ធ្វើឡើងនៅពេលមេដឹកនាំទាំង២ ជួបគ្នាក្នុងវេទិកាសេដ្ឋកិច្ចរៀបចំឡើងដោយរុស្ស៊ី នៅទីក្រុង St. Petersburg ដែលកិច្ចសហប្រតិបត្តិការសេដ្ឋកិច្ចគឺជាចំណុចពិភាគ្សាទ្វេភាគីដ៏សំខាន់។ នេះគឺជាដំណើរទស្សនកិច្ចផ្លូវរដ្ឋលើកដំបូងរបស់លោក ប្រាបូវូ ទៅរុស្ស៊ីក្នុងនាមជាប្រធានាធិបតីឥណ្ឌូណេស៊ីដោយលោករំលងការអញ្ជើញជាភ្ញៀវ ឱ្យចូលរួមក្នុងកិច្ចប្រជុំកំពូល G7 នៅកាណាដា ដែលបញ្ចប់ទៅថ្មីៗនេះ។
ក្នុងសន្និសីទរួមរបស់មេដឹកនាំ លោក ពូទីន បាននិយាយអំពីចេតនារបស់រុស្ស៊ីក្នុងការជួយឥណ្ឌូណេស៊ី លើការបំពេញតម្រូវការថាមពលក្នុងស្រុក មិនថាតាមរយៈការនាំចេញ និងការវិនិយោគនោះទេ។
លោក ពូទីន បានថ្លែងយ៉ាងដូច្នេះថា៖ «យើងត្រៀមខ្លួនរួចជាស្រេចក្នុងការបង្កើនការផ្គត់ផ្គង់ប្រេង និងឧស្ម័នធម្មជាតិពង្រាវ [LNG] ទៅកាន់ទីផ្សារឥណ្ឌូណេស៊ី»។ លោកបន្តថា៖ «យើងត្រៀមខ្លួនរួចជាស្រេចដើម្បីជួយ [ឥណ្ឌូណេស៊ី] ធ្វើទំនើបកម្មហេដ្ឋារចនាសម្ព័ន្ធរបស់ខ្លួន ដើម្បីជំរុញការផលិតពីកន្លែងប្រេងចាស់ៗរបស់ខ្លួន»។
លោក ប្រាបូវូ ឯណោះវិញ មិនបានធ្វើអត្ថាធិប្បាយលើកិច្ចសហប្រតិបត្តិការផ្គត់ផ្គង់ប្រេងក្នុងអំឡុងសន្និសីទនោះទេ ប៉ុន្តែនិយាយថា ការពិភាក្សាជាមួយលោក ពូទីន មានផលិតភាព។
គួរគូសបញ្ជាក់ថា ភ្លាមៗក្រោយឥណ្ឌូណេស៊ីក្លាយជាសមាជិកនៃក្រុមប្រទេស BRICS ដែលជាប្លុកដឹកនាំដោយរុស្ស៊ី នៅដើមឆ្នាំនេះ ឥណ្ឌូណេស៊ីបានបង្ហាញចំណាប់អារម្មណ៍លើការនាំចូលប្រេងថោកៗរបស់រុស្ស៊ី។ រុស្ស៊ីបានបញ្ចុះតម្លៃប្រេងរបស់ខ្លួន ក្រោយរងទណ្ឌកម្មពីលោកខាងលិច និងសម្ព័ន្ធមិត្ត ជុំវិញការឈ្លានពានអ៊ុយក្រែនដែលកំពុងបន្តអូសបន្លាយរាប់តាំងពីខែកុម្ភៈ ឆ្នាំ ២០២២៕
-
សន្តិសុខសង្គម១ សប្តាហ៍ agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
សេដ្ឋកិច្ច៥ ថ្ងៃ agoរដ្ឋាភិបាលហាមឃាត់ក្រុមហ៊ុនផលិតស្រា និងភេសជ្ជៈផ្ដល់រង្វាន់តាមក្រវិលកំប៉ុង ចាប់ពីដើមខែតុលា ឆ្នាំនេះ
-
ព័ត៌មានជាតិ៤ ថ្ងៃ agoក្រសួងវប្បធម៌ ព្រមានចាត់វិធានការច្បាប់លើជនដែលនៅតែបន្តកែច្នៃ ប្រើគ្រឿងលម្អយកគំរូគ្រឿងឥស្សរិយយស«ព្រះរាជមហាកណ្ឋាភណ្ឌគ្រងរាជសម្បត្តិ»
-
ព័ត៌មានជាតិ២១ ម៉ោង agoក្រសួងសុខាភិបាល ត្រៀមបង្ការ និង ទប់ស្កាត់ការនាំចូលជំងឺឆ្លង ហាន់តា នៅអាកាសយានដ្ឋានអន្តរជាតិតេជោ
-
ព័ត៌មានជាតិ៦ ថ្ងៃ agoអ្នកជំនាញ ទាញសញ្ញាបន្ទាត់ក្រហម វិបត្តិនយោបាយផ្ទៃក្នុងថៃអាចផ្ទេរមកជម្លោះព្រំដែនសារជាថ្មី
-
ព័ត៌មានជាតិ៤ ថ្ងៃ agoថៃលុបMoU 2001៖ សម្ដេចតេជោប្រាប់ថៃថា កុំបបួលកម្ពុជាចរចាទ្វេភាគីទៀត ត្រូវដឹកដៃគ្នាទៅរកយន្តការអន្តរជាតិ
-
កីឡា៤ ថ្ងៃ agoអ្នកគាំទ្រប្រមាណ ៧ ពាន់នាក់ទស្សនាការប្រកួតមិត្តភាព រវាងក្រុមតារាកម្ពុជា និងសសយក ខេត្តបន្ទាយមានជ័យ
-
ព័ត៌មានអន្ដរជាតិ២ ថ្ងៃ agoកូរ៉េខាងជើង ត្រៀមដាក់ពង្រាយកាំភ្លើងធំស៊េរីថ្មី នៅក្បែរព្រំដែន និងបង្អួតនាវាចម្បាំងខ្នាតយក្ស