សូមគ្រួសារក្រីក្រ និងងាយរងគ្រោះក្នុងអំឡុងពេលប្រយុទ្ធនឹងកូវីដ-១៩បន្តទទួលសាច់ប្រាក់រហូតដល់ថ្ងៃ២៤ឧសភា

ក្រសួងសង្គមកិច្ច អតីតយុទ្ធជន និងយុវនីតិសម្បទាបានចេញសេចក្តីស្តីពីលទ្ធផលនៃការអនុវត្តកម្មវិធីឧបត្ថម្ភសាច់ ប្រាក់ជូនគ្រួសារក្រីក្រ និងងាយរងគ្រោះក្នុងអំឡុងពេលប្រយុទ្ធនឹងកូវីដ-១៩បន្តទទួលសាច់ប្រាក់ពីថ្ងៃជូនដំណឹងនេះរហូតដល់ថ្ងៃ២៤ឧសភាឆ្នាំ២០២១។

យោងតាមសេចក្តីជូនដំណឹងរបស់ក្រសួងសង្គមកិច្ច អតីតយុទ្ធជន និងយុវនីតិសម្បទាបានបញ្ចាក់អំពីលទ្ធផលនៃការអនុវត្តកម្មវិធីឧបត្ថម្ភសាច់ ប្រាក់ជូនគ្រួសារក្រីក្រ និងងាយរងគ្រោះក្នុងអំឡុងពេលប្រយុទ្ធនឹងកូវីដ-១៩ សម្រាប់ជុំទី៤ លើកទី៣ ដែលបានអនុវត្តចាប់ពីថ្ងៃទី២៥ ខែមីនា ដល់២៤ ខែមេសា ឆ្នាំ២០២១ទើបបានបញ្ចប់ដោយរលូននាពេលថ្មីៗមកនេះ ។

ជាមួយគ្នានេះដែរចំពោះការបើកសាច់ប្រាក់ជុំទី៥ លើកទី១ ដែលចាប់ផ្តើមអនុវត្តចាប់ពីថ្ងៃទី ២៥ ខែមេសា ដល់២៤ ខែឧសភា ឆ្នាំ២០២១បន្តទៀត។ ដោយឡែកគ្រួសារដែលមិនទាន់បានទទួលសាច់ប្រាក់ឧបត្ថម្ភពីរាជរដ្ឋាភិបាលដូចពត៏មានខាងលើសូមរួសរាន់មកទំនាក់ទំនងជាមួយអាជ្ញាធរមូលដ្ឋានដែលខ្លួនស្នាក់អាស្រ័យនោះដើម្បីទទួលបានអត្ថប្រយោជន៍ដែលរាជរដ្ឋាភិបាលបានផ្តល់ជូនជៀសវាងភាពមិនប្រក្រតីណាមួយកើតឡើងដោយសារតែការខុសឈ្មោះឬអត្តសញ្ញាណណាមួយនោះឲ្យសោះ៕

អត្ថបទ ៖ វិមាន