កូវីដ-១៩
ខេត្តព្រះសីហនុដល់ថ្នាក់យកសណ្ឋាគារ និងផ្ទះល្វែង ទុកព្យាបាលអ្នកជំងឺកូវីដ-១៩
រដ្ឋបាលខេត្តព្រះសីហនុបានសម្រេចយកសណ្ឋាគារ និងផ្ទះល្វែងរ៉ុងកាងដែលមានទីតាំងស្ថិតនៅផ្លូវបេតុង ភូមិ១ សង្កាត់លេខ៣ ក្រុងព្រះសីហនុជាកន្លែងព្យាបាលអ្នកជំងឺកូវីដ-១៩បន្ទាប់ពីប៉ុន្មានថ្ងៃចុងក្រោយនេះមានអ្នកឆ្លងកើនឡើងជាបន្តបន្ទាប់។
រដ្ឋបាលខេត្តព្រះសីហនុបានណែនាំឱ្យរៀបចំទីតាំងខាងលើឱ្យបានសមស្របជាកន្លែងព្យាបាលអ្នកជំងឺកូវីដ-១៩ និងរៀបចំសំអាតអនាម័យបាញ់ថ្នាំសម្លាប់មេរោគនៅទីតាំងសណ្ឋាគារ និងផ្ទះល្វែងទាំងក្នុង និងជុំវិញបរិវេណមុនពេលយកអ្នកជំងឺមកព្យាបាល។
ទន្ទឹមនឹងនេះរដ្ឋបាលខេត្តបានណែនាំដល់បុគ្គលិក និងអ្នកពាក់ព័ន្ធផ្សេងទៀតដែលបម្រើការក្នុងទីតាំងនោះ ដូចជាអ្នកសម្អាតអនាម័យ អ្នកដាំស្ល ឬសន្តិសុខឱ្យអនុវត្តត្រឹមត្រូវតាមការណែនាំរបស់ក្រសួងសុខាភិបាលដោយត្រូវស្នាក់នៅដោយឡែកពីកន្លែងព្យាបាល ដាច់ខាតមិនត្រូវចេញទៅខាងក្រៅបរិវេណដោយគ្មានការអនុញ្ញាតពីក្រុមការងារឡើយ។
ត្រូវវេចខ្ចប់ទុកដាក់សំរាមឱ្យបានត្រឹមត្រូវដើម្បីក្រុមហ៊ុនប្រមូលសំរាមដឹកជញ្ជូនយកទៅចោល។
ក្នុងដំណាក់ការព្យាបាលអ្នកជំងឺកូវីដ-១៩ត្រូវអនុវត្តកាតព្វកិច្ចឱ្យបានត្រឹមត្រូវតាមវិធានការ ដែលបានកំណត់ដោយក្រសួងសុខាភិបាល។ មិនត្រូវចាកចេញពីទីកន្លែងព្យាបាលដោយគ្មានការអនុញ្ញាតពីមន្ត្រីសុខាភិបាល និងត្រូវសហការក្នុងការផ្ដល់ព័ត៌មានអំពីការប្រែប្រួលសុខភាពប្រចាំថ្ងៃរបស់ខ្លួនដល់មន្ត្រីកបាល និងត្រូវបំពេញកាតព្វកិច្ចផ្សេងៗទៀតតាមការតម្រូវការរបស់មន្ត្រី និងការកំណត់នៃច្បាប់។
គួរបញ្ជាក់ថាបច្ចុប្បន្ននេះ ខេត្តព្រះសីហនុមានកន្លែងព្យាបាលអ្នកជំងឺកូវីដ-១៩ ចំនួន២ទីតាំង គឺទី១ មន្ទីរពេទ្យបង្អែកខេត្តព្រះសីហនុដែលមានអ្នកជំងឺចំនួន១២០នាក់ និងទី២មណ្ឌលព្យាបាលសម័យថ្មីខេត្តព្រះសីហនុ មានអ្នកជំងឺចំនួន៩២៨នាក់៕
អត្ថបទ៖ សំអឿន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?