កូវីដ-១៩

រដ្ឋមន្ត្រីឥណ្ឌាអំពាវនាវឲ្យអន្តរជាតិចែកព័ត៌មានទប់ស្កាត់កូវីដ-១៩

បានផុស

៥ years មុន

នៅ

ថ្ងៃពុធ ៥ ឧសភា ២០២១

ដោយ

រដ្ឋមន្ត្រីក្រសួងហិរញ្ញវត្ថុឥណ្ឌា លោកស្រី Nirmala Sitharaman បាននិយាយកាលពីថ្ងៃចន្ទថា ការពង្រឹងកិច្ចសហប្រតិបត្តិការតំបន់ និងពិភពលោកគឺជាគន្លឹះឆ្ពោះទៅរកជោគជ័យនៅក្នុងការប្រឹងប្រែងស្តារឡើងវិញពីវិបត្តិកូវីដ-១៩កំពុងវាយប្រហារដ៏អាក្រក់។

លោកស្រី Sitharaman បាននិយាយពីថា ព័ត៌មានស្តីពីឧបករណ៍សម្រាប់ប្រយុទ្ធប្រឆាំងនឹងកូវីដ-១៩គួរត្រូវបានចែករំលែកជាអន្តរជាតិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្នុងកិច្ចប្រជុំប្រចាំឆ្នាំរបស់ធនាគារអភិវឌ្ឍអាស៊ី (ADB) លោកស្រីបានលើកឡើងថា ៖«ព័ត៌មានសម្រាប់ជាឧបករណ៍ទាំងអស់ដើម្បីប្រយុទ្ធប្រឆាំងនឹងកូវីដ-១៩ របៀបនៃការព្យាបាល វ៉ាក់សាំង ឬបច្ចេកវិទ្យាគួរត្រូវបានចែករំលែកជាអន្តរជាតិ»។

លោកស្រីបានសង្កត់ធ្ងន់លើភាពចាំបាច់ដើម្បីឲ្យប្រទេសឥណ្ឌាទទួលបានវត្ថុធាតុដើមសំខាន់ៗសម្រាប់ការបង្កើនសមត្ថភាពផលិតវ៉ាក់សាំងរបស់ឥណ្ឌា។

«កិច្ចសហប្រតិបត្តិការដើម្បីកំណើនដែលងើបឡើងវិញ និងប្រកបដោយនិរន្តភាពត្រូវការចូលរួមពីស្ថាប័នពហុភាគីសម្រាប់បង្កើតទ្រព្យសម្បត្តិឌីជីថល ព្រមទាំងទ្រព្យសម្បត្តិធន់នឹងគ្រោះមហន្តរាយ ខណៈពេលរក្សាការអភិវឌ្ឍធនធានមនុស្សជាអាទិភាព»។ លោកស្រីមានប្រសាសន៍។

លោកស្រីបានអះអាងថា ប្រទេសឥណ្ឌាបានត្រៀមខ្លួនរួចជាស្រេចដើម្បីពង្រឹងកិច្ចខិតខំប្រឹងប្រែងគ្រប់បែបយ៉ាងក្នុងគោលបំណងធ្វើឲ្យប្រសើរនូវកិច្ចសហប្រតិបត្តិការក្នុងតំបន់ និងពិភពលោក។

លោកស្រី Sitharaman បានអរគុណចំពោះធនាគារ ADB ដែលបានផ្តល់ជំនួយហិរញ្ញវត្ថុទាន់ពេលវេលាសម្រាប់គម្រងប្រយុទ្ធប្រឆាំងកូវីដ-១៩ និងមិនកូវីដ-១៩។

«វាគួរតែមានការផ្តោតលើភាពធន់នឹងសុខភាពនៅអាស៊ីប៉ាស៊ីហ្វិក ហើយ ADB គួរមានដំណោះស្រាយទូលំទូលាយដើម្បីដោះស្រាយដូចគ្នា»៕

ប្រែសម្រួល៖ វីរបុត្រ
ប្រភព៖ xinhua