កូវីដ-១៩
រដ្ឋបាលខេត្តកំពង់ឆ្នាំងរកឃើញអ្នកវិជ្ជមានកូវីដ-១៩ថ្មីចំនួន៦នាក់ទៀត
នៅល្ងាចថ្ងៃទី១០ ខែឧសភា ឆ្នាំ២០២១ រដ្ឋបាលខេត្តកំពង់ឆ្នាំងបានចេញសេចក្តីប្រកាស អំពីការរក ឃើញអ្នកវិជ្ជមានកូវីដ-១៩ ថ្មី ក្នុងព្រឹត្តិការណ៍សហគមន៍២០កុម្ភៈ ចំនួន៦នាក់បន្ថែមទៀត ដោយ៥នាក់នៅស្រុកជលគីរី និង១នាក់នៅស្រុកបរិបូណ៌ ។
លោកវេជ្ជបណ្ឌិត ប្រាក់ វ៉ុន បានបញ្ជាក់ឲ្យដឹងនៅព្រឹកថ្ងៃទី១១ ខែឧសភានេះថា ករណីវិជ្ជមានកូវីដ-១៩នៅក្នុងខេត្តកំពង់ឆ្នាំង បានរកឃើញជាបន្តបន្ទាប់នៅអំឡុងចុងខែមីនា ឆ្នាំ២០២១ រហូតមកដល់ ពេលនេះ ដែលសុទ្ធសឹងជាករណីនាំចូលពីក្រុងភ្នំពេញពាក់ព័ន្ធនឹងព្រឹត្តិការណ៍សហគមន៍២០កុម្ភៈទាំងអស់។
ដោយឡែកនៅថ្ងៃទី១០ ខែឧសភា ឆ្នាំ២០២១នេះ ក្រុមការងារបានរកឃើញករណីវិជ្ជមានកូវីដ-១៩ ចំនួន៦នាក់ថ្មីបន្ថែមទៀត ធ្វើឲ្យអ្នកឆ្លងកូវីដ-១៩នៅខេត្តកំពង់ឆ្នាំង កើនដល់៣១នាក់ ក្នុងនោះមានករណីជាសះស្បើយចំនួន៤នាក់ ករណីស្លាប់ចំនួន០២នាក់ និងកំពុងដាក់ឲ្យសម្រាកព្យាបាលនៅក្នុងមន្ទីរពេទ្យបង្អែកខេត្តកំពង់ឆ្នាំងចំនួន១៩នាក់ ហើយ៦នាក់ដែលទើបតែរកឃើញថ្មី បានដាក់ឲ្យសម្រាកព្យាបាលនៅមន្ទីរពេទ្យបង្អែកស្រុកកំពង់ត្រឡាច ។
ចំពោះ៦ករណីថ្មីដែលក្រុមការងារទើបរកឃើញ គឺមាន៥នាក់នៅក្នុងស្រុកជលគីរី រួមមានឈ្មោះ ទី១- សាត ឈុនហៀង ភេទប្រុស អា យុ១៦ឆ្នាំ ជាកម្មករធ្វើពិដានផ្ទះនៅភូមិត្នោតជ្រុំ សង្កាត់បឹងទំពុន បានមកដល់ភូមិព្រៃគ្រីត្បូង ឃុំព្រៃគ្រី ស្រុកជលគីរីនៅថ្ងៃទី២៦ ខែមេសា និងបានផឹក ស៊ីជាមួយមិត្តភ័ក្រក្នុងភូមិ បានយកទៅធ្វើចត្តាឡីស័កនៅថ្ងៃទី២៧ ខែមេសា ។ ទី២-ឈ្មោះ យឹម ចាន់ថន ភេទប្រុស អាយុ២៩ ឆ្នាំ ជាកម្មករធ្វើការនៅរោងចក្រស៊ីងយ៉ាង ស្ថិតក្នុងភូមិព្រៃទា សង្កាត់ចោមចៅ បានមកដល់ឃុំកោះថ្កូវ ស្រុកជលគីរីនៅថ្ងៃទី២៧ ខែមេសា ត្រូវក្រុមការងារយកទៅធ្វើចត្តាឡីស័កភ្លាមៗ ។ ទី៣-ឈ្មោះ យឹម ពិសិដ្ឋ ភេទប្រុ ស អាយុ២១ឆ្នាំ ជាកម្មករសំណង់នៅផ្លូវជាតិលេខ៦A រស់នៅសង្កាត់ជ្រោយចង្វារ បានមកឃុំកោះថ្កូវ ស្រុកជល គីរីនៅថ្ងៃទី ២៧ ខែមេសា និងបានដាក់អោយធ្វើចត្តាឡីស័កភ្លាមៗ ។ ទី៤-ឈ្មោះ សុច ពិសី ភេទស្រី អាយុ១៨ឆ្នាំ ជាកម្ម ករសំណង់នៅផ្លូវជាតិលេខ៦A រស់នៅសង្កាត់ជ្រោយចង្វារ មកដល់ឃុំកោះថ្កូវ ស្រុកជលគីរី នៅថ្ងៃទី ២៧ ខែមេសា និងបានដាក់ឲ្យធ្វើចត្តាឡីស័កភ្លាមៗនិង ទី៥-ឈ្មោះ ប្រាក់ និស្ស័យ ភេទប្រុស អាយុ២៥ ឆ្នាំ ជាកម្មករសំណង់នៅផ្លូវលេខ៦A រស់នៅសង្កាត់ជ្រោយចង្វារ បានមកដល់ឃុំកោះថ្កូវ ស្រុកជលគីរីនៅថ្ងៃទី២៧ ខែមេសា និងបានយកទៅដាក់ឲ្យធ្វើចត្តាឡីស័កភ្លាមៗដែរ ។ អ្នកទាំង៥នាក់បានដាក់អោយធ្វើចត្តាឡីស័ករយៈពេល១៣ថ្ងៃ ទើបរកឃើញវិជ្ជមានកូវីដ-១៩នៅថ្ងៃទី១០ ខែឧសភា ឆ្នាំ២០២១នេះ។
ដោយឡែក១ករណីនៅក្នុងស្រុកបរិបូណ៌ គឺឈ្មោះ តុង យ៉ាំងយូ ភេទប្រុស អាយុ៥១ឆ្នាំ ជាជនជាតិវៀតណាម រស់នៅក្នុងឃុំឆ្នុកទ្រូ ស្រុកបរិបូណ៌ បានប៉ះពាល់ជាមួយអ្នកកើតកូវីដ-១៩ឈ្មោះ ជិន ធីហ៊ឹង ភេទស្រី ដែលបាន នាំជំងឺនោះមកពីភូមិព្រែកប្រា សង្កាត់ច្បារអំពៅ ក្រុងភ្នំពេញ ។
លោកវេជ្ជបណ្ឌិតបានបន្តថា អ្នកឆ្លងជំងឺកូវីដ-១៩ទាំង៦នាក់នោះ បានយកទៅដាក់ឲ្យសម្រាកព្យា បាលនៅក្នុងមន្ទីរពេទ្យបង្អែកស្រុកកំពង់ត្រឡាច ព្រោះមន្ទីរពេទ្យបង្អែកខេត្តកំពង់ឆ្នាំង បានដាក់អ្នកជំងឺកូវីដ-១៩ពេញអស់ហើយ៕
អត្ថបទ ៖ ឈៀងថារិទ្ធ
ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ
ក្រសួងការងារ និងបណ្តុះបណ្តាលវិជ្ជាជីវៈ បើកវគ្គបណ្តុះបណ្តាលលើជំនាញផ្នែកកំបោរក្នុងវិស័យសំណង់
ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត
មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស
នៅខែមេសា-ឧសភា កម្ពុជានឹងក្ដៅខ្លាំង កម្រិត៣៨°C និងមានបាតុភូតផ្គរ រន្ទះ និងខ្យល់កន្ត្រាក់
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
កីឡា៥ ថ្ងៃ agoឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ agoតាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ agoនាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ agoដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ agoមនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ