កូវីដ-១៩

រកឃើញជិត៦០នាក់ទៀត វិជ្ជមានកូវីដនៅតំបន់សេដ្ឋកិច្ចពិសេស

បានផុស

៣ years មុន

នៅ

ថ្ងៃពុធ ២៦ ឧសភា ២០២១

ដោយ

ប្រធានមន្ទីរសុខាភិបាលខេត្តស្វាយរៀង បានឲ្យដឹងនៅរសៀលថ្ងៃនេះថា មានការរកឃើញ បឋមវិជ្ជមានកូវីដ លើកម្មករ-កម្មការិនី រោងចក្រដំឡើងទោចក្រយាន អេ អេន ជេ (ខេមបូឌា) ស្ថិតនៅក្នុងតំបន់សេដ្ឋកិច្ចពិសេស តាយ សេង ១ ភូមិតាពៅ សង្កាត់បាវិត ក្រុងបាវិតខេត្តស្វាយប្រមាណជិត៦០នាក់ ខណៈ កំពុងធ្វើតេស្តជាបន្តបន្ទាប់ទៀត។

លោក បណ្ឌិត កែរ រដ្ឋា បន្ថែមថា ក្រុមការងារឆ្លើយតបបន្ទាន់ខេត្តស្វាយរៀងបានអំពាវនាវដល់ បងប្អូនកម្មករ កម្មការិនី ដែលធ្លាប់បានទាក់ទងចេញចូលធ្វើការនៅក្នុងរោងចក្រដំឡើងទោចក្រយាន អេ អេន ជេ (ខេមបូឌា) នៅក្នុងតំបន់សេដ្ឋកិច្ចពិសេស តាយ សេង ១ ស្ថិតនៅភូមិតាពៅ សង្កាត់បាវិត ក្រុងបាវិតសូមធ្វើចត្តាឡីស័កតាមដានសុខភាព។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រសិនបើមានរោគសញ្ញាដូចជា៖ គ្រុនក្ដៅ, ក្អក, កណ្ដាស់, ឈឺបំពង់ក ឬដកដង្ហើមខ្លីៗ ឬ សង្ស័យ សូមមេត្តាប្រញាប់ ទៅធ្វើតេស្តរកមេរោគកូវីដ ១៩ ដែលមានទីតាំងនៅជិតផ្ទះ ឬផ្ដល់ព័ត៌មានទៅអាជ្ញាធរមូលដ្ឋាន ឬទំនាក់ទំនងមកក្រុមការងារស្រាវជ្រាវ និងតាមដានបុគ្គលសង្ស័យថា មានផ្ទុកជំងឺកូវីដ-១៩ ដែលមានលេខទូរសព្ទ 044 712 522 ឬ 097 503 4567 ដើម្បីមានវិធានការណ៍បន្ត។

សម្រាប់អ្នកដែលគ្មានរោគសញ្ញា សូមដាក់ខ្លួនដាច់ដោយឡែក និងតាមដានសុខភាពរបស់ខ្លួនរយៈពេល ១៤ ថ្ងៃ ចាប់ពីថ្ងៃដែលអ្នកបានប៉ះពាល់ ឬទៅទីកន្លែងនោះ៕

ដោយ ៖ សំអឿន