ត្រឹម១សប្ដាហ៍ដើមខែមិថុនា កម្ពុជារកឃើញអ្នកឆ្លងកូវីដ-១៩ លើស៤,១០០នាក់ និងស្លាប់ ជិត៥០នាក់

បើតាមការបូកសរុបតាមតួលេខរបស់សេចក្ដីប្រកាសព័ត៌មានស្ដីពីការសរុបស្ថានភាពជំងឺកូវីដ-១៩ ប្រចាំថ្ងៃរបស់ក្រសួង​សុខាភិបាល យើងសង្កេតឃើញថា រយៈពេល១សប្ដាហ៍ដើមខែមិថុនានេះ ព្រះរាជាណាចក្រកម្ពុជាមានចំនួនករណីឆ្លងកូវីដ-១៩ ចំនួន ៤,១៥០ករណី និងស្លាប់មានចំនួន ៤៩ករណី ទន្ទឹមពេលព្យាបាលជាសះស្បើយបានចំនួន ៤,៥១៥ករណី។

ខាងក្រោមនេះជាតារាងដែល “កម្ពុជាថ្មី” បានសង្ខេបចំនួនឆ្លង ចំនួនព្យាបាល និងចំនួនស្លាប់ដោយសារជំងឺកូវីដ-១៩ រយៈពេល១សប្ដាហ៍ដើមខែមិថុនា ឆ្នាំ២០២១៖

គួរបញ្ជាក់ថា គិតត្រឹមព្រឹក ថ្ងៃទី៧ ខែមិថុនា ឆ្នាំ២០២១ កម្ពុជា មានអ្នកឆ្លងមេរោគកូវីដ-១៩ សរុប ៣៤,៨៣៣នាក់ អ្នកជាសះស្បើយ ២៨,០៩២នាក់ និងអ្នកស្លាប់ ២៦៦ករណី៕

អត្ថបទ៖ ​ច័ន្ទ វីរៈ