កូវីដ-១៩

លោក ឃួង ស្រេង ៖អ្នកឆ្លងកូវីដ ១៩ នៅភ្នំពេញអាចព្យាបាលជារង្វង់ពី ៧ថ្ងៃដល់ ៩ ថ្ងៃ

បានផុស

៥ years មុន

នៅ

ថ្ងៃសៅរ៍ ១០ កក្កដា ២០២១

ដោយ

លោក ឃួង ស្រេង អភិបាលរាជធានីភ្នំពេញបានថ្លែងថា បើទោះជារាជធានីភ្នំពេញរកឃើញករណីឆ្លងកូវីដ១៩ចន្លោះ ២០០នាក់ទៅ៣០០នាក់ក្នុង១ថ្ងៃ ក៏ពិតមែនប៉ុន្តែសុខភាពអ្នកជំងឺភាគច្រើន មានភាពមាំទាំ អាចធានា និងទប់ទល់បានពីជំងឺដ៏កាចសាហាវនេះ ដោយសារបានទទួលវ៉ាក់សាំងកូវីដ១៩ ដូសទី២ទាន់ពេល។ អ្នកជំងឺភាគច្រើនអាចព្យាបាលជាសះស្បើយរង្វង់៧ ថ្ងៃទៅ ៩ថ្ងៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្នុងឱកាសបិទបញ្ចប់យុទ្ធនាការចាក់វ៉ាក់សាំងនៅរាជធានីភ្នំពេញកាលពីថ្ងៃទី៨ ខែកក្កដាលោកបានចាត់ទុកនេះគឺជាភាពជោគជ័យដ៏ធំធេងមួយ ផ្ដើមចេញពីការគិតគូរបស់ប្រមុខរាជរដ្ឋាភិបាលសម្តេចតេជោ ហ៊ុន សែន ទើបមានការផ្ដល់វ៉ាក់សាំងជួយសង្រ្គោះអាយុជីវិតពលរដ្ឋបានទាន់ពេលវេលា។

“ជោគជ័យនៃការផ្តល់វ៉ាក់សាំងថ្វីត្បិតតែខ្ញុំមិនមែនវេជ្ជបណ្ឌិត តែខ្ញុំបានធ្វើកិច្ចការងារដោយផ្ទាល់ជាមួយប្រជាពលរដ្ឋ គាត់បានឆ្លងកូវីដ១៩ ក៏ប៉ុន្តែសុខភាពរបស់គាត់នៅមាំទាំដដែលបានន័យថា វ៉ាក់សាំងបានមានប្រតិកម្មតបតជាមួយនឹងវីរុស នេះបើតាមខ្ញុំគិត ហើយការព្យាបាលយើងឃើញថា ប្រាំពីរថ្ងៃ ប្រាំបួនថ្ងៃយើងអាចព្យាបាលបងប្អូនប្រជាពលរដ្ឋយើងជាសះស្បើយឡើងវិញ។ដូច្នេះយើងអាចវាយតម្លៃថា គុណប្រយោជន៍នៃវ៉ាក់សាំងបានផ្តល់ឱ្យយើងតាមរបៀបនេះ”។ លោកបានបន្ថែម។

រាជធានីភ្នំពេញបានបញ្ចប់យុទ្ធនាការចាក់វ៉ាក់សាំងកាលពីថ្ងៃទី ៨ ខែកក្កដា ឆ្នាំ២០២១ កន្លងមកដោយមានប្រជាពលរដ្ឋប្រមាណជាង២លាន១សែននាក់ ក្នុងនោះរាប់បញ្ចូលទាំងបងប្អូនប្រជាពលរដ្ឋ ជាកម្មករកម្មការិនីនៅតាមខេត្ត និង ជនបរទេស មកទទួលការចាក់វ៉ាក់សាំងនៅរាជធានីភ្នំពេញ។

យ៉ាងណាលោកលោកក៏បានអំពាវនាវឱ្យបងប្អូនប្រជាពលរដ្ឋ ដែលទទួលបានការចាក់វ៉ាក់សាំង២ដូសហើយ ត្រូវមានការប្រុងប្រយ័ត្នខ្ពស់ ដោយសារកំណើននៃការឆ្លងកូវីដ-១៩នៅតែកើនមានក្នុង១ថ្ងៃពី២០០ទៅ៣០០នាក់នូវឡើយ ដែលតម្រូវឱ្យបងប្អូនត្រូវចេះការពារដោយខ្លួនឯងកុំឱ្យឆ្លងពីម្នាក់ទៅម្នាក់ទៀត៕

Related Topics:Featured កូវីដ-១៩ លោក ឃួង ស្រេង

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា