កំពង់ឆ្នាំង រកឃើញអ្នកឆ្លងថ្មី ៦៦ នាក់ទៀត

រដ្ឋបាលខេត្តកំពង់ឆ្នាំងនៅល្ងាច ថ្ងៃទី ១០ ខែកក្តដា នេះ បានចេញសេចក្តីជូនដំណឹងស្ដីពីពីការរកឃើញអ្នកវិជ្ជមានកូវីដ ១៩ ថ្មីទៀតចំនួន ៦៦ នាក់ នៅថ្ងៃទី០៩ ខែកក្តដា ក្នុងព្រឹត្តិការណ៍សហគមន៍ ២០កុម្ភៈលើអាជីវករ កម្មករ បុគ្គលិកធនាគារ និងមន្ត្រីរាជការ។

អ្នកវិជ្ជមានកូវីដ១៩ ទាំង ៦៦ នាក់ខាងលើនេះគឺមាន នៅក្នុងស្រុកសាមគ្គីមានជ័យចំនួន ០៤ នាក់ស្រុករលាប្អៀរចំនួន ០៨ នាក់និងស្រុកកំពង់ត្រឡាចចំនួន ១៤ នាក់ និងក្រុងកំពង់ឆ្នាំងចំនួន ៤០ នាក់ ។

នៅក្នុងសេចក្តីសម្រេចនេះរដ្ឋបាលខេត្តកំពង់ឆ្នាំង សូមអំពាវនាវដល់ប្រជាពលរដ្ឋដែលមានការពាក់ព័ន្ធដោយផ្ទាល់និងប្រយោលជាមួយអ្នកមានវិជ្ជមានកូវីដ១៩ ខាងលើនេះសូមប្រញាប់ទៅយកសំណាកនៅមណ្ឌលសុខភាពឬមន្ទីរពេទ្យដែលនៅជិតបំផុត ។ ដោយឡែកអ្នកវិជ្ជមានកូវីដ១៩ ទាំង៦៦ នាក់ខាងលើនេះត្រូវបានបញ្ជូនទៅសម្រាកព្យាបាលនៅមណ្ឌលព្យាបាលវិទ្យាល័យតេជោហ៊ុនសែនទឹកហូត។

មណ្ឌលព្យាបាលវិទ្យាល័ យហ៊ុនសែនបរិបូណ៌ ។មណ្ឌលព្យាបាលវិទ្យាល័យហ៊ុនសែនកំពង់ ត្រឡាច និងកន្លែងព្យាបាលនៅក្នុងមន្ទីរពេទ្យបង្អែកខេត្តកំពង់ឆ្នាំង។

ជាមួយគ្នានេះដែររដ្ឋបាលខេត្តក៏បានចេញសេចក្តីសម្រេចបិទផ្សារលើក្រុងកំពង់ឆ្នាំងជាបណ្ដោះ អាស ន្នផងដែរផងដែរចាប់ពីថ្ងៃទី១០ ខែ កក្កដានេះតទៅរហូតមានសេចក្តីសម្រេចជាថ្មី បន្ទាប់ពីបានរកឃើញអ្នកវិជ្ជាមានកូវីដ១៩ ជាអាជីវករលក់ដូរនៅក្នុងផ្សារលើក្រុងកំពង់ឆ្នាំង នេះ៕

អត្ថបទ៖ ឈៀងថារិទ្ធ