កូវីដ-១៩
ករណីស្លាប់កូវីដ-១៩ ច្រើនក្នុង១ថ្ងៃមិនធ្លាប់មាននៅខេត្តបន្ទាយមានជ័យ សរុបកើនដល់ ១៦៧ករណី
ក្នុងតែ១ថ្ងៃ នៅថ្ងៃទី១៨ ខែកញ្ញា ឆ្នាំ២០២១ មានអ្នកកើតអ្នកកើតជំងឺកូវីដ-១៩ ចំនួន៧នាក់បានស្លាប់នៅខេត្តបន្ទាយមានជ័យ នាំឱ្យចំនួនអ្នកស្លាប់ដោយសារជំងឺកូវីដ-១៩សរុបក្នុងខេត្ត កើនដល់ ១៦៧ករណី។ នេះបើតាមការឱ្យដឹងពីលោក ប្រាក់ សុភ័ត អនុប្រធានមន្ទីរធម្មការ និងកិច្ចការសាសនាខេត្ត សមាជិកអាចារ្យខេត្ត និងជាសមាជិកអនុគណៈកម្មការបូជាសព នៃគណៈកម្មការប្រយុទ្ធនឹងជំងឺកូវីដ-១៩ ខេត្តបន្ទាយមានជ័យ។
លោក ប្រាក់ សុភ័ត បានប្រាប់បញ្ជាក់ឱ្យដឹងបន្តទៀតថា នេះជាចំនួនស្លាប់ប្រចាំថ្ងៃខ្ពស់បំផុតរបស់អ្នកកើតជំងឺកូវីដ-១៩ នៅខេត្តបន្ទាយមានជ័យ គិតតាំងពីមានអ្នកស្លាប់ពីខែមេសា ឆ្នាំ២០២១មក ពោលគឺកន្លងមកអាចមានស្លាប់ច្រើនត្រឹមចំនួន៤ទៅ៥នាក់ប៉ុណ្ណោះក្នុង១ថ្ងៃ។
លោកបានឱ្យដឹងទៀតថា ក្នុងចំណោមករណីស្លាប់ទាំង១៦៧នោះ មានជនជាតិខ្មែរ១៦១នាក់ ស្រី៩០នាក់ ជនជាតិឥណ្ឌូនេស៊ី ៣នាក់ ស្រី១នាក់ និងជនជាតិថៃ៣នាក់ ស្រី២នាក់។
លោកអាចារ្យ ប្រាក់ សុភ័ត បានបញ្ជាក់បន្តទៀតថា ចំពោះសពអ្នកជំងឺកូវីដ-១៩ ត្រូវបានលោកអភិបាលខេត្តបន្ទាយមានជ័យ អនុញ្ញាតឱ្យរៀបចំបូជាសពទៅតាមលក្ខណៈបច្ចេកទេសនៃការណែនាំរបស់ក្រសួងសុខាភិបាល និងការកំណត់របស់រដ្ឋ យកទៅបូជាដោយធ្វើការតម្កល់ធ្វើបុណ្យសពតាមប្រពៃណី នៅភ្នំបាក់ សង្កាត់ទឹកថ្លា ក្រុងសិរីសោភ័ណតែម្តង ក្នុងនោះមានព្រះសង្ឃបង្សុកូលផងដែរ៕
អត្ថបទ៖ វ៉ាន់ ណាង
-
ព័ត៌មានជាតិ៥ ថ្ងៃ ago
ផ្លូវកាត់ថ្មីតភ្ជាប់ពីខេត្តបាត់ដំបង មកសមុទ្រខេត្តកោះកុងសម្រេចបានជាង ៨០%
-
សន្តិសុខសង្គម៥ ថ្ងៃ ago
ព័ត៌មានបឋម៖ ស្វាមីម្ចាស់ប្រេន Lakamo ត្រូវក្រុមចោរចូលចាប់ជម្រិត និងបាញ់សម្លាប់ដល់ក្នុងផ្ទះ
-
ជីវិតកម្សាន្ដ១ សប្តាហ៍ ago
កូនស្រីពៅតារាហុងកុង Michael បង្ហោះរូបអាក្រាតកាយសារជាថ្មី
-
ព័ត៌មានជាតិ៧ ថ្ងៃ ago
ស្អែក ថ្ងៃទី១០ ខែមេសា រូបសំណាកសេះសមុទ្ទ នឹងសម្ពោធជាផ្លូវការ
-
ជីវិតកម្សាន្ដ៥ ថ្ងៃ ago
ក្រោយផ្ទុះការរិះគន់មិនឲ្យតម្លៃក្រុម Hashtag band ថ្ងៃសង្ក្រាន្ត គណៈគ្រប់គ្រងសាលាចេញសេចក្ដីបំភ្លឺ
-
ព័ត៌មានអន្ដរជាតិ១ សប្តាហ៍ ago
ការស្ទង់មតិ ៖ សង្ក្រាន្តឆ្នាំនេះ ប្រជាជន ថៃ រាងពិបាកចាយវាយ ព្រោះម្នាក់ៗសុទ្ធតែជាប់បំណុលគេច្រើន
-
ព័ត៌មានជាតិ៦ ថ្ងៃ ago
ជនរងគ្រោះស្នាក់នៅមជ្ឈមណ្ឌលឱកាសខ្ញុំ ទទួលបានភាពសប្បាយរីករាយក្នុងពិធីសង្រ្កាន្តឆ្នាំថ្មី
-
ព័ត៌មានអន្ដរជាតិ៤ ថ្ងៃ ago
ទ័ពជើងទឹកបារាំង រៀបជើងព្រួល ត្រៀមធ្វើសង្គ្រាម