Connect with us

កូវីដ-១៩

ខេត្តកោះកុង មានអ្នកស្លាប់ដោយជំងឺកូវីដ-១៩ ជាង ៥0 នាក់

បានផុស

នៅ

រហូតមកដល់ថ្ងៃទី ១៧ ខែវិច្ឆិកា ឆ្នាំ ២០២១ នេះ ខេត្តកោះកុងមានអ្នកស្លាប់ដោយសារជំងឺកូវីដ-១៩ ជាង ៥០ នាក់ហើយ ដែលសពចុងក្រោយ ជាបុរសវ័យចំណាស់មានអាយុ ៨៥ ឆ្នាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក អ៊ូច ទូច ប្រធានមន្ទីរធម្មការ និងសាសនា និងជាអនុប្រធានអនុគណៈកម្មការទី ១០ បានឱ្យដឹងថា គិតត្រឹមព្រឹកថ្ងៃទី ១៧ ខែវិច្ឆិកានេះ ខេត្តកោះកុងមានអ្នកស្លាប់ដោយសារជំងឺកូវីដ-១៩ ចំនួន ៥៥ នាក់ហើយ។

លោកប្រធានមន្ទីរបានបន្តថា សពទី៥៥ ឈ្មោះ ហ៊ុន សាន ភេទប្រុស អាយុ ៨៥ ឆ្នាំ សញ្ជាតិខ្មែរ នៅភូមិកោះស្រឡៅ ឃុំកោះកាពិ ស្រុកកោះកុង ដែលបានទទួលមរណភាពកាលពីថ្ ងៃ១៦ ខែវិច្ឆិកា ឆ្នាំ ២០២១ ដោយជំងឺកូវីដ-១៩។ សាកសពបានបូជាតាមគន្លងបែបព្រះពុទ្ធសានសា នៅវត្តជោតញ្ញាណ វេលា ២១:៤០ នាទី នាថ្ងៃទី ១៦ ខែវិច្ឆិកា ឆ្នាំ ២០២១។

លោកប្រធានមន្ទីរបានបន្តទៀតថា​ ចំពោះការបូជាសាកសពអ្នកជំងឺកូវីដ-១៩ គឺក្រុមការងារគោរព និងអនុវត្តយ៉ាងខ្ជាប់ខ្ជួននូវវិធានសុខាភិបាល ដើម្បីចៀសវាងការឆ្លងរីករាលដាលជំងឺកូវីដ-១៩ បន្តចូលក្នុងសហគមន៍។

លោក ទូ សាវុធ អភិបាលរង នៃគណៈអភិបាលខេត្តកោះកុងបានមានប្រសាសន៍ថា បច្ចុប្បន្ននេះខេត្តមានអ្នកជំងឺកូវីដ-១៩ ប្រមាណជិត ២០ នាក់ ក្នុងនោះមាន ៨ នាក់សម្រាកព្យាបាលនៅតាមផ្ទះ និងជាង ១០ នាក់ទៀតកំពុងសម្រាកព្យាបាលនៅមន្ទីរពេទ្យស្រែអំបិល និងមន្ទីរពេទ្យខេត្ត។ ចំណែកនៅមណ្ឌលព្យាបាលនានាត្រូវបានផ្អាកទាំងអស់មិនទទួលដាក់អ្នកជំងឺទៀតទេ។

លោកបានបន្ថែមទៀតថា បច្ចុប្បន្នមានបងប្អូនពលករខ្មែរដែលឆ្លងដែនមកតាមច្រកព្រំដែន ចាំយាម ខេត្តកោះកុង ចំនួន ៤៤ នាក់ កំពុងធ្វើចត្តាឡីស័កនៅមណ្ឌលចត្តាឡីស័កកម្រិត ២។

ទន្ទឹមនឹងនេះ លោក ទូ សាវុធ បានបញ្ជាក់ថា អាជ្ញាធរខេត្តកោះកុងនៅតែបន្តរឹតបន្តឹងការធ្វើតេស្តរហ័សចំពោះ អ្នកបើកបរ ជំនួយការអ្នកបើកបរ និងអាជីវករដែលឆ្លងកាត់ព្រំដែន ដើម្បីផ្លាស់ប្តូរទំនិញនៅប្រទេសជិតខាងកម្ពុជានៅរៀងរាល់ ៧២ ម៉ោងម្តង ដើម្បីទប់ស្កាត់ការឆ្លងរាលដាលជំងឺកូវីដ-១៩ ពិសេសមេរោគប្រភេទ Delta៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤៦ នាទី មុន

ដំណាំស្រូវជាង​ ៦០០ ហិកតា​ ក្នុង​ខេត្តត្បូងឃ្មុំ​ និង​បន្ទាយមានជ័យ​រង​ផលប៉ះពាល់​ដោយសារ​ជំនន់​ទឹកភ្លៀង

ជីវិតកម្សាន្ដ២ ម៉ោង មុន

នាំមុខគេក្នុងប្រទេស ថៃ តារា ៧ ដួងនេះ ក្លាយជាបុគ្គលមានអ្នក Follow ច្រើនជាងគេលើ Instagram

ព័ត៌មានជាតិ២ ម៉ោង មុន

រដ្ឋមន្ត្រីកសិកម្មស្នើឱ្យបារាំងនាំចូលផលិតផលកម្ពុជាទៅទីផ្សារបារាំង និងអឺរ៉ុបឱ្យកាន់តែច្រើនថែមទៀត

ព័ត៌មានអន្ដរជាតិ៣ ម៉ោង មុន

WHO ប្រឆាំងការដាក់បម្រាមធ្វើដំណើរ ទោះផ្ទុះជំងឺ អុតស្វា

សន្តិសុខសង្គម៣ ម៉ោង មុន

រថយន្ត​ធុនធំ​១គ្រឿង​បុករថយន្ត​បែនដឹកដី​ប៉ើងលើខឿន​ផ្លូវជាតិ​លេខ៥ ​កន្លែង​ដាំផ្កា

Sokha Hotels

ព័ត៌មានពេញនិយម