គម្រោងទេសចរណ៍ឌីជីថលរបស់លោក ជី សុផាត ត្រូវផ្អាកសកម្មភាពបណ្តោះអាសន្ន ព្រោះកំពុងកាន់មរណទុក្ខ

មុននេះ លោក ជី សុផាត អ្នកផលិតមាតិកាបែបដំណើរផ្សងព្រេង និងជាអ្នកជំនាញផ្នែកបច្ចេកវិទ្យា បានប្រកាសផ្អាកសកម្មភាពធ្វើដំណើរកំសាន្តទៅកាន់តំបន់ព្រំដែនកម្ពុជា ក្នុងយុទ្ធនាការ “Motorbike Vlog” ជាបណ្តោះអាសន្នសិន ដើម្បីរៀបចំពិធីបុណ្យសពឪពុកក្មេក ដែលទើបរលត់សង្ខាទៅកាលពីវេលាម៉ោង ៣:៥៦ នាទី រសៀល ថ្ងៃទី២៦តុលា ឆ្នាំ២០២៥។ ខណៈសពតម្កល់នៅភូមិព្រែកថ្លឹង សង្កាត់ជើងឯក ខណ្ឌដង្កោ រាជធានីភ្នំពេញ ខណៈត្រៀមដង្ហែទៅបូជានាវេលាម៉ោង ៣:០០ រសៀល ថ្ងៃពុធនេះ។

ដោយហេតុនេះ គម្រោងទេសចរណ៍ឌីជីថល និងការធ្វើដំណើរដែលបានរៀបចំសម្រាប់ថ្ងៃទី ២–៦ ខែវិច្ឆិកា ឆ្នាំ២០២៥ និងគម្រោងនានា ត្រូវបានផ្អាកបណ្តោះអាសន្ន រហូតដល់មានការជូនដំណឹងបន្តបន្ទាប់។

គួររំលឹកថា លោក ជី សុផាត អ្នកផលិតមាតិកាបែបដំណើរផ្សងព្រេង និងជាអ្នកជំនាញផ្នែកបច្ចេកវិទ្យា បានបង្កើតគម្រោងទេសចេណ៍ឌីជីថលមួយ តាមរយៈសកម្មភាពដំណើរកំសាន្តទៅកាន់តំបន់ព្រំដែនកម្ពុជាភាគឦសានប្រទេស នៅថ្ងៃទី ២-៦ ខែវិច្ឆិកាខាងមុខនេះ។

តាមរយៈគម្រោងដំណើរកំសាន្តនេះ អាចចាត់ទុកជាការរួមចំណែកផ្សព្វផ្សាយទេសចរណ៍ជាតិផងដែរ ខណៈដំណើរនេះ ធ្វើឡើងក្នុងំគោលបំណងធំ២៖
១. គោលបំណងទី១ គឺបង្កើតវីដេអូដំណើរកំសាន្ត ក្នុងន័យដើម្បីបង្ហាញពីវប្បធម៌ជាតិ ជីវិតសហគមន៍ និងសម្រស់ធម្មជាតិ ដែលផ្តល់មូលបំណងចំពោះការរក្សា និងបន្តអត្តសញ្ញាណខ្មែរ។

២. ឯគោលបំណងមួយទៀត គឺដើម្បីចូលរួមកែលម្អបច្ចុប្បន្នភាពទីតាំងក្នុងកម្មវិធីឌីជីថលរបស់ប្រទេសកម្ពុជា តាមរយៈការបន្ថែមរូបភាព Street View នៅតំបន់ទេសចរណ៍សំខាន់ៗ ធ្វើឱ្យភ្ញៀវទេសចរជាតិ និងអន្តរជាតិ អាចស្វែងរកទីតាំងបានងាយស្រួល និងទុកចិត្តបាន។

តួយ៉ាង ដំណើរនេះមិនមែនត្រឹមជាការផលិតវីដេអូប៉ុណ្ណោះទេ ប៉ុន្តែសម្រាប់គុណតម្លៃ និងការចូលរួមក្នុងការបង្កើតអនាគតទេសចរណ៍ឌីជីថលជាមួយគ្នា ដោយអាចបង្ហាញពិភពលោកថា យើងមានទិដ្នភាពល្អជាងការមើលឃើញតែតាមផែនទី Google Maps ។ តួយ៉ាងសកម្មភាពនេះ ក៏ស្របទៅនឹងយុទ្ធនាការកែតម្រូវទីតាំងក្នុងកម្មវិធីផែនទីដែលកំពុងដំណើរការ ក្នុងគោលបំណងចង់ធ្វើឱ្យមានភាពត្រឹមត្រូវចំពោះដែនអធិបតេយ្យភាពឌីជីថលកម្ពុជា៕