ទើបជាពីកូវីដ សុគន្ធ នីសា ស្រាប់​តែប្រភពទម្លាយថា ហោះទៅអាមេរិកជាមួយស្វាមី

តារាចម្រៀងអ្នកនាង សុគន្ធ នីសា ដែលទើបតែជាសះស្បើយពីជំងឺកូវីដ-១៩ កាលពីថ្មីៗ និងត្រូវបានអនុញ្ញាតិឲ្យវិល ត្រឡប់ទៅផ្ទះហើយបន្តធ្វើចត្តាឡីស័ក១៤ថ្ងៃទៀតនោះក៏ស្រាបតែមានការបង្ហើបថា នាងបានចេញទៅសហរដ្ឋជាមួយស្វាមីយ៉ាងភ្ញាក់ផ្អើល។

បើយោងតាមការបង្ហោះនៅលើទំព័រហ្វេសប៊ុករបស់លោក ណុប បាយ៉ារិទ្ធ បានជូនពរ ក្នុងការធ្វើដំណើរទៅសហរដ្ឋអេមារិកជាមួយនិងស្វាមី ជួបតែសេចក្តីសុខសំណាងល្អ និងជៀសផុតពីហានិភ័យផងទាំងពួង។​

តាមរយ:ការលើកឡើងរបស់លោក ណុប បាយ៉ារិទ្ធ ខាងលើនេះបានធ្វើឲ្យមហាជនភ្ញាក់ផ្អើល និងមានចម្ងល់គ្រប់គ្នាថាតើ សុគន្ធ នីសា ចេញទៅអាមេរិកតាំងពីថ្ងៃណាបើនាងទើបតែជាសះស្បើយពីជំងឺកូវីដសោះនោះ។

តារាចម្រៀង សុគន្ធ នីសា នៅព្រលប់ថ្ងៃទី១៦ ខែមេសា ឆ្នាំ២០២១នេះ មិនអាចទំនាក់ទំនងដើម្បីសួរនាំបន្ថែមចំពោះដំណឹងខាងលើនេះបាននៅឡើយទេ។ តារាចម្រៀង សុគន្ធ នីសា បានប្រកាសជាសះស្បើយពីជំងឺកូវីដ-១៩ នៅថ្ងៃទី២៦ខែមីនាឆ្នាំ២០២១៕

អត្ថបទ៖ ចាន់រ៉ា