តារាសម្ដែង វ៉ាន់ លីលី ត្រូវគេទម្លាយរឿងជំពាក់លុយ និងប្រកាសទុកពេលឲ្យ៣ថ្ងៃ

តារាសម្តែងស្រីកញ្ញា វ៉ាន់ លីលី សុខៗស្រាប់តែផ្ទុះរឿងរ៉ាវដ៏រសើប ខណ:ត្រូវបានប្រភពទម្លាយថា នាងជំពាក់លុយគេមិនសង ហើយថែមទាំងគេចវេសដោយផ្ទុយពីការសន្យា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពបានបញ្ជាក់ដោយដាក់កំហិតដល់តារាស្រី វ៉ាន់ លីលី ដូច្នេះថា បើសិនជារយ:ពេល៣ថ្ងៃ នាងមិនព្រមចូលខ្លួនដោះស្រាយបំណុល(លុយ)ដែលជំពាក់នោះទេ គេនឹងធ្វើតាមផ្លូវច្បាស់ដោយគ្មានការយោគយល់ទៀតឡើយ។

ផ្អែកតាមការបង្ហោះនៅលើគណនីហ្វេសប៊ុកលោក ដារ៉ា រ័ត្ន នៅព្រឹកថ្ងៃទី៣០ ខែឧសភា ឆ្នាំ២០២១នេះ បានលើកឡើងថា សូមអញ្ជើញតារាសម្ដែងកញ្ញា វ៉ាន់ លីលី ចូលមកដោះស្រាយបំណុលយ៉ាងយូរ៣ថ្ងៃ បើមិនដូច្នេះទេនឹងបន្តនិតិវិធី ព្រោះដូចជាសន្យាខ្យល់ពេកហើយ ។

ជាមួយគ្នានេះលោកក៏បានប្រកាសទៅអ្នកដទៃដែលពាក់ព័ន្ធបំណុលខ្លួនដែរថា អ្នកជំពាក់ស្ពឹកផ្សេងទៀតនឹងត្រូវបន្តបង្ហាញឈ្មោះនិងមុខជាបន្តទៀតផងដែរ ត្រៀមផង។ ជុំវិញរឿងនេះកម្ពុជាថ្មីនៅព្រឹកថ្ងៃទី៣០ ខែឧសភា ឆ្នាំ២០២១នេះមិនអាចស្វែងរកការបកស្រាយពីកញ្ញា វ៉ាន់ លីលី បាននៅឡើយទេ ៕

អត្ថបទ៖ ចាន់រ៉ា

ចុចអាន៖ វណ្ណា ស័ក្តិ ៖ សេចក្តីសុខ​ខ្ញុំ​គឺមាន​អ្នក​ម៉ែ​នៅក្បែរ​

ចុចអាន៖ សូម្បី​បំណង​ចុងក្រោយ​ស​ម្រាប់​កូន​ទាំង​៣​ៗ​ក៏ ស៊ិ​ន ឧ​ត្ត​ម​ផល្លា មិនបាន​នៅ​ឃើញ​ដែរ​