ជីវិតកម្សាន្ដ

ក្រោយផ្ទុះការរិះគន់ រឿងបំពានបម្រាមចត្តាឡីស័កច្រើនដង ពេលនេះ Taew បញ្ជាក់ថាខ្លួនវិជ្ជមានកូវីដ

បានផុស

៥ years មុន

នៅ

ថ្ងៃសុក្រ ១៦ កក្កដា ២០២១

ដោយ

ក្រោយធ្វើចត្តាឡីស័កជាច្រើនដងរាប់ភ្លេច និងផ្ទុះការរិះគន់ថា នាងបានបំពានបម្រាម ខណៈពេលនេះ លទ្ធផលរបស់តារាស្រីប្រចាំប៉ុស្តិ៍ លេខ ៣ ថៃ Taew Nataphon បានបញ្ជាក់ថា នាងបានឆ្លងកូវីដ ១៩ ហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Taew Nataphon បានជូនដំណឹងអំពីរឿងនេះ នៅក្នុងបណ្ដេញសង្គម Instagram របស់នាងថា ” នៅថ្ងៃទី ១៥ ខែកក្កដា ខ្ញុំត្រូវបានគេធ្វើរោគវិនិច្ឆ័យថាមានវិជ្ជមានកូវីដ” ។ ដោយសារនៅថ្ងៃទី ១៦ ខែ កក្កដា Taew ត្រូវថតរូបនិងធ្វើការជាមួយក្រុមការងារ។ ដូច្នេះហើយ ការធ្វើតេស្ត PCR គឺធ្វើឡើងតាំងពីថ្ងៃទី ១៤ ខែ កក្កដា នៃបុគ្គលិកទាំងអស់រួមទាំងនាងផងដែរ។

ក្រោយពេលមានវិជ្ជមានកូវីដ ១៩ Taew ត្រូវបានបញ្ជូនទៅសម្រាកព្យាបាលនៅមន្ទីរពេទ្យ Phayathai Nawamin ភ្លាមៗតែម្ដង។

នាងបានបញ្ជាក់បន្ថែមថា ” ឥឡូវខ្ញុំកំពុងរង់ចាំការព្យាបាល (រង់ចាំគ្រែ) តាមនីតិវិធីរបស់មន្ទីរពេទ្យ។ ទោះយ៉ាងណាយើងខ្ញុំសូមអភ័យទោសចំពោះបញ្ហាណាមួយ ដែលបណ្តាលមកពីបញ្ហានេះ ដែលយើងមិនអាចចូលរួមបាន ចាប់ពីពេលនេះតទៅ ហើយនាងខ្ញុំសូមជូនពរឲ្យអ្នកទាំងអស់គ្នាទទួលបានសុខភាពល្អ ដើម្បីអាចរស់នៅបានដោយសុវត្ថិភាព” ។