ឈិន ច័ន្ទសុធារី កែប្រែវាសនាឡើងងារជាជំទាវ និងកាន់កាប់មុខជំនួញពេញដៃ

ភ្នំពេញ៖ អតីតពិធីការិនី និងជាតារាសម្តែង ឈិន ច័ន្ទសុធារី ស្រប់ពេលដែលស្ងប់ស្ងាត់ពីអាជីពសិល្បៈអស់មួយរយៈធំ ស្រាប់តែពេលនេះធ្លាយដំណឹងថា នាងបានកែប្រែមុខមាត់ថ្មីដោយឡើងងារជាជំទាវ។

ដំណឹងនេះទើបត្រូវបានប្រភពពីមិត្តភក្តិក្នុងរង្វង់សិល្បៈដែលមានភាពស្និទ្ធស្នាលនឹងនាងបានបង្ហើបកំឡុងពេលដែលតារាស្រីរូបនេះប្រកាសបើកមុខជំនួញថ្មីជាមួយគូរស្នេហ៍ដែលមានងារជាឧកញ៉ាផងនោះ។

អ្នកនាង ឈិន ច័ន្ទសុធារី កន្លងមកត្រូវបានគេដឹងថា នាងធ្លាប់រងការឈឺចាប់ និងបរាជ័យស្នេហាម្តងរួចមកហើយជាមួយអតីតស្វាមីលោក សុវណ្ណ មករា ដោយបានបន្សល់ទុកកូនភ្លោះពីរនាក់ក្នុងបន្ទុក តែបច្ចុប្បន្នគេសង្កេតឃើញនាងកាន់តែរឹងមាំខ្លាំងបន្ទាប់ពីបានជួបស្នេហ៍ថ្មី។

ជាក់ស្តែងក្រោយបាត់មុខមួយរយៈនោះ ពេលនេះ ឈិន ច័ន្ទសុធារី បានលេចវត្តមានជាថ្មីដោយនាំមកនូវភាពភ្ញាក់ផ្អើលដល់អ្នកសិល្បៈ និងមហាជនគាំ ទ្រតាមរយៈងារជាជំទាវតែម្តង៕

អត្ថបទ៖ ចាន់រ៉ា