ជីវិតកម្សាន្ដ

រកឃើញហើយ បេក្ខជនឆ្នើម ដែលស័ក្ដិសមទៅវគ្គកំពូលទាំង១២

បានផុស

៣ years មុន

នៅ

ថ្ងៃអង្គារ ២៨ កញ្ញា ២០២១

ដោយ

វគ្គកំពូលទាំង២០ ទាំងបីសប្ដាហ៍នៃកម្មវិធីវង់តន្ត្រីខ្មែរ រដូវកាលទី២ បានបញ្ចប់ទៅដោយជោគជ័យ ដោយកម្មវិធីបានរកឃើញ ក្រុមប្រកួតចំនួន១២ ស័ក្ដិសមជាបេក្ខជនឆ្នើម ដើម្បីយកទៅសម្រិតសម្រាំងជាបន្តទៀត ក្នុងវគ្គកំពូលទាំង១២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បេក្ខជនប្រកួត ១២ ក្រុមនិងទោលដែលទទួលបានលទ្ធផលជោគជ័យ រួមមាន៖

១. បេក្ខជន ក្រុមយុវជនមន្ទីរវប្បធម៌ និងវិចិត្រសិល្បៈខេត្តព្រៃវែង មកពីខេត្តព្រៃវែង

២. បេក្ខជន ក្រុមមន្ទីរវប្បធម៌ខេត្តបន្ទាយមានជ័យ មកពីខេត្តបន្ទាយមានជ័យ

៣. បេក្ខជន ក្រុមកុញ្ជរជ័យ មកពីរាជធានីភ្នំពេញ

៤. បេក្ខជន ក្រុម សិរីភទ្រ មកពីខេត្តស្វាយរៀង

៥. បេក្ខជន ក្រុមពន្លកយុវជនយីកេ មកពីរាជធានីភ្នំពេញ

៦. បេក្ខជន ក្រុមទេពបទុមវង្សពិណពាទ្យ មកពីរាជធានីភ្នំពេញ

៧. បេក្ខជន សារី សិលា មកពីខេត្តព្រៃវែង

៨. បេក្ខជន ក្រុមមនោហារា មកពីរាជធានីភ្នំពេញ

៩. បេក្ខជន ក្រុមអាយ៉ៃលោកគ្រូ ជិនអេង មកពីខេត្តតាកែវ

១០. បេក្ខជន ក្រុមយុវជនខ្មែរថែមរតកដូនតា មកពីខេត្តកណ្ដាល

១១. បេក្ខជន ក្រុមមរតកអង្គរ មកពីខេត្តសៀមរាប

១២. បេក្ខជន ក្រុមយុវជនល្ខោនខោលកម្ពុជា មកពីរាជធានីភ្នំពេញ។

គួររំឭកផងដែរថា បេក្ខជនទាំង២០ក្រុមនិងទោល ក្រោមប្រធានបទ “សិល្បៈបុរាណចម្រុះ” ក្នុងវគ្គកំពូលទាំង២០ ទាំង៣សប្ដាហ៍កន្លងទៅនេះ មិនថាបេក្ខជនបានជាប់ក្ដី ឬត្រូវបានជម្រុះចេញក្ដី សុទ្ធតែបានយកចិត្តទុកដាក់ និងប្រឹងប្រែងព្យាយាមអស់ពីសមត្ថភាពរបស់ខ្លួន ដើម្បីបង្ហាញថ្វីដៃ និងជំនាញសិល្បៈបុរាណរបស់ខ្លួន ទៅតាមវិញ្ញាសាដែលទទួលបានពីគណៈកម្មការ។

កម្មវិធីវង់តន្ត្រីខ្មែររដូវកាលទី២ រៀបចំនិងផ្ដួចផ្ដើមបង្កើតឡើង ដោយសហភាពសហព័ន្ធយុវជនកម្ពុជា ខេត្តស្វាយរៀង គាំទ្រដោយ ក្រសួងវប្បធម៌ និងវិចិត្រសិល្បៈ និងសមាគមមិត្តតន្ត្រីករ និងមានការចាក់ផ្សាយលើកញ្ចក់ទូរទស្សន៍ BTV រៀងរាល់ថ្ងៃសៅរ៍ ចាប់ពីម៉ោង ៨យប់តទៅ និងការផ្សាយបន្តផ្ទាល់លើផេកផ្លូវការ របស់សហភាពសហព័ន្ធយុវជនកម្ពុជា ខេត្តស្វាយរៀងផងដែរ៕