ទេព បូព្រឹក្ស ទម្លាយអារម្មណ៍ពិត ក្រោយ MV «វីរនារី» ផ្ទុះការសរសើរ

ស្របពេលដែល MV ចម្រៀងបទ «វីរនារី» របស់តារាចម្រៀង ទេព បូព្រឹក្ស ត្រូវបានបញ្ចេញជាផ្លូវការនៅលើបណ្តាញសង្គម គេកត់សម្គាល់ឃើញថា MV បទនេះកំពុងផ្ទុះការចាប់អារម្មណ៍ និងគាំទ្រច្រើនពីមហាជនគ្រប់មជ្ឈដ្ឋាន។

បទ “វីរនារី” បានចេញ MV ពេញជាផ្លូវការកាលពីថ្ងៃទី២៧ ខែវិច្ឆិកា ឆ្នាំ២០២១ថ្មីៗនេះ ខណ:ដែលសាមីខ្លួនកញ្ញា ទេព បូព្រឹក្ស ក៏បានសម្តែងអារម្មណ៍រំភើបខ្លាំង ព្រោះថាត្រឹមរយ:ពេល ២៤ម៉ោង MV បទ « វីរនារី» របស់នាងកើនចំនួនអ្នកទស្សនារហូតដល់១លានដងឯណោះ។

កញ្ញា ទេព បូព្រឹក្ស បានរៀបរាប់ទាំងក្តីរំភើបថា “មកទីនេះនិយាយដោយមោទកភាព! អរគុណដល់បងប្អូនអ្នកគាំទ្រទាំងអស់គ្នាសម្រាប់ការ stream MV «វីរនារី» ឱ្យទទួលបានការចូលមើលរហូតដល់ទៅ ១លានដង (1M) ក្នុងរយៈពេល២៤ម៉ោង នៅក្នុ ងYouTube។”

តារាចម្រៀង ទេព បូព្រឹក្ស និយាយទៀតថា “ដើម្បីជាការឆ្លើយតប ពួកយើងនឹងធ្វើការបន្ថែម subtitled ជាច្រើន ភាសា បន្ថែមទៀត ដើម្បីឱ្យកាន់តែទូលំទូលាយ។”

នាងបញ្ជាក់ថា ខ្លួនបានសម្រេចសេចក្តីប្រាថ្នាបង្ហាញកេរ្កិ៍តំណែលដូនតាដោយភាពជឿជាក់ ហើយសមិទ្ធផលនេះកេីតឡេីងបានដោយទំនុកចិត្ត ក៏ដូចជាកម្លាំងពីបងប្អូនខ្មែរទាំងអស់គ្នា ។

កញ្ញា ទេព បូព្រឹក្ស បន្ថែមថា “ខ្ញុំមួយក្រុមសម្រេចលទ្ធផលបានប៉ុណ្ណឹងចុះ បេីយេីងទាំងអស់គ្នាតេីលទ្ធផលប៉ុនណា?ពួកយេីងរួមគ្នាជាចង្កឹះមួយបាច់ ជួយគ្នាលេីកតម្កើងបន្ថែមទៀត ដោយយេីងមិនចាំបាច់ប្រាប់គេថានេះជារបស់អ្នកណាទេព្រោះច្បាស់ណាស់ថា មរតកនេះជារបស់យេីង យេីងជាអ្នកណា? យេីងជាខ្មែរ”៕

អត្ថបទ៖ ចាន់រ៉ា

ចុចអាន៖ មូលហេតុទាំងនេះ ទើបបទ «វីរនារី» ក្លាយជាទីមោទកភាពរបស់មហាជនខ្មែរ

ចុចអាន៖ តារាស្រីរបស់ខ្មែរ៣ដួង បានធ្វើឲ្យផ្ទុះការគាំទ្រខ្លាំងនាឆ្នាំ២០២១នេះ