ជីវិតកម្សាន្ដ

តារាស្រីរបស់ខ្មែរ៣ដួង បានធ្វើឲ្យផ្ទុះការគាំទ្រខ្លាំងនាឆ្នាំ២០២១នេះ

បានផុស

៤ years មុន

នៅ

ថ្ងៃចន្ទ ២៩ វិច្ឆិកា ២០២១

ដោយ

នាអំឡុងឆ្នាំ២០២១នេះ គេសង្កេតឃើញតារាចម្រៀងស្រីរបស់ខ្មែរ៣រូប បានធ្វើរឿងដ៏អស្ចារ្យផ្ទុះការគាំទ្រ និងសរសើរច្រើនពីមហាជន ខណៈដែលតារាស្រីទាំង៣រូបនេះ បានរំលេចចេញនូវបទចម្រៀងផ្សេងៗគ្នា ដោយបានបញ្ចូលគ្នានៅទម្រង់សិល្បៈបុរាណខ្មែរយ៉ាងល្អឯកតែម្តង។

កំពូលតារាចម្រៀងស្រីទាំង៣រូបរបស់ខ្មែរ ដែលកំពុងទទួលបានការសរសើរ និងអង្រួនបេះដូងអ្នកគាំទ្រគ្រប់មជ្ឈដ្ឋានទូទៅនោះរួមមាន៖

១.តារាចម្រៀង ឱក សុគន្ធកញ្ញា គេកត់សម្គាល់ថា កាលពីរយប់ថ្ងៃទី ២២ ខែតុលា ឆ្នាំ ២០២១កន្លងទៅ នាងបានធ្វើឱ្យមហាជននិងអ្នកគាំទ្រផ្ទុះការចាប់អារម្មណ៍ហើយសរសើរខ្លាំងស្របពេលដែលនាងបង្ហាញខ្លួន ចូលរួមសម្ដែងដ៏អស្ចារ្យមួយនៅក្នុងកម្មវិធី«MEKONG-KOREA FRIENDSHIP CO NCERT»ខណៈដែលនាងបានបង្ហាញនូវសិល្ប: វប្បធម៌កម្ពុជាដ៏អស្ចារ្យទៅកាន់ពិភពលោកឲ្យបានស្គាល់ពីសម្បត្តិបេតិកភណ្ឌដ៏សម្បូរបែបរបស់ខ្មែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២.តារាចម្រៀង ពេជ្រ សោភា នារាត្រីថ្ងៃទី ២៨ ខែតុលា ឆ្នាំ ២០២១ កន្លងទៅនេះ នាងក៏បានធ្វើឱ្យមហាជននិ ងអុ្នកគាំទ្រចាប់អារម្មណ៍ខ្លាំងផងដែរ បន្ទាប់ពីនាងបានបង្ហាញវត្តមានច្រៀង និងសម្តែងដ៏អស្ចារ្យនៅក្នុងកម្មវិធី Miss Universe Cambodia២០២១។ ដោយកាលនោះ ពេជ្រ សោភាបាននាំយកទម្រង់នៃសិល្បៈវប្បធម៌បុរាណខ្មែរ គឺល្ខោនខោលមកបង្ហាញនៅលើឆាកយ៉ាងអស្ចារ្យផងដែរ។

៣. តារាចម្រៀង ទេព បូព្រឹក្ស ថ្មីៗនេះនាងក៏បានបញ្ចេញនូវស្នាដៃMVចម្រៀងរបស់ខ្លួនបទ«វីរនា រី»ខណៈដែលបទនេះ ទើបចេញMVផ្លូវការមិនទាន់បានប៉ុន្មានផងក៏ផ្ទុះការគាំទ្រ និងចែករំលែកកក្រើកពេញបណ្ដាញសង្គមតែម្តង។ ចំពោះMVបទ «វីរនារី»នេះ ត្រូវបានគេដឹងថាទេព បូព្រឹក្ស ថវិកាអស់៦០០លានរៀល ដើម្បីផលិតបទនេះឲ្យបានល្អបំផុត៕