ជីវិតកម្សាន្ដ

ឡៃ ថៃ តួអង្គប្រុសក្នុងរឿងអប់រំខ្លី “សទ្ធាមាណព” តើមានប្រវត្តិបែបណាខ្លះ?

បានផុស

៣ សប្តាហ៍ មុន

នៅ

ថ្ងៃព្រហស្បតិ៍ ៥ ឧសភា ២០២២

ដោយ

ទស្សនិកជន និងអ្នកគាំទ្រ បានដឹងហើយថា ភាពយន្តអប់រំខ្លីបែបព្រះពុទ្ធសាសនា គឺរឿង”សទ្ធាមាណព”បន្ទាប់ពីត្រូវបានបង្ហោះផ្សាយនៅលើបណ្តាញសង្គមហ្វេសប៊ុក និងយូធូបត្រឹមរយៈពេលខ្លីប៉ុណ្ណោះ គឺទទួលបានការគាំទ្រយ៉ាងភ្ល្លូកទឹកភ្លូកដីពីមហាជនគ្រប់មជ្ឈដ្ឋាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខ្សែភាពយន្ត ដែលសម្តែងឡើងរំលេចក្នុងន័យអប់រំអំពីព្រះពុទ្ធសាសនារឿង”សទ្ធាមាណព”នេះដែរ គឺមានការចូលរួមសម្តែងពីកញ្ញា ពេជ្រ ចរណៃ (តួអង្គស្រី) ខណៈតួអង្គប្រុសគឺលោក ឡៃ ថៃ។ សម្រាប់ការពួតដៃសម្តែងរួមគ្នារវាងអ្នកទាំងពីរ កំពុងទទួលបានការគាំទ្រ និងសរសើរពីអ្នកគាំទ្រថា តួអង្គពីរនាក់នេះ ពិតជាសាកសមនឹងគ្នាហើយ មិនតែប៉ុណ្ណោះការសម្តែងក៏បានបញ្ចូលមនោសញ្ចេតនាល្អទៀតផង។

ដោយឡែកងាកមកចាប់អារម្មណ៍ពីប្រវត្តិរបស់តួរអង្គប្រុស ដែលចាប់ដៃគូគ្នាយ៉ាងសាកសមជាមួយកញ្ញា ពេជ្រ ចរណៃ គឺលោក ឡៃ ចាន់ថៃ កន្លងមកប្រហែលជាមានអ្នកគាំទ្រមួយចំនួនបានស្គាល់ និ ងខ្លះទៀតមិនទាន់ដឹងនៅឡើយទេ។ ឆ្លើយឆ្លងជាមួយកម្ពុជាថ្មីលោក ឡៃ ថៃ បានឲ្យដឹងថា ក្នុងវិស័យសិល្បៈមហាជនតែងស្គាល់លោម និងបានហៅលោកថា នេនថៃ។

រម្លឹកដល់រឿងអតីតកាលមុនចូលសិល្បៈ លោក ឡៃ ថៃ បានបញ្ជាក់ដូច្នេះថា អតីតភាពរបស់លោមធ្លាប់បានបួសរៀន ១៥ វស្សាក្នុងវិស័យព្រះពុទ្ធសាសនា។ មែនទែនទៅលោកមានស្រុកកំណើតនៅខេត្ដពោធិ៍សាត់ និងបានបញ្ចប់ការសិក្សាថ្នាក់អនុបណ្ឌិតផ្នែកច្បាប់នៅសាលាភូមិន្ទនីតិសាស្ដ្រ និងវិទ្យាសាស្ដ្រសេដ្ឋកិច្ច ហៅកាត់ថា សាលាច្បាប់។

លោកបន្តទៀតថា ក្នុងវិថីសិល្បៈមុន និងក្រោយពេលដែលខ្ញុំលាចាកសិក្ខាបទ ខ្ញុំមានបទពិសោធន៍ហើយខ្ញុំបានសម្រេចនូវសមិទ្ធផលជាច្រើនដូចជា,ការផលិតវីដេដូអប់រំ រូបភាពបំផុសវិស័យទេសចណ៍ និងសក្ដានុពលនៅកម្ពុជា៖ រឿងអប់រំ, រឿងសម្លឆ្ងាញ់ជាងគេក្នុងលោកនេះ(ប្រភេទរឿងអប់រំខ្លី), រឿង អាត្មាទ្រាំលែងបានហើយ (ភាគ១ ភាគ២), រយពាន់សំនួរ រយពាន់ចម្លើយ។ល។ ហើយថ្មីៗនេះ ខ្ញុំបានពួតដៃគ្នាជាមួយកញ្ញា ពេជ្រ ចរណៃ ផលិតរឿង”សទ្ធាមាណព “ដែលទទួលបានការគាំទ្រពីមហាជនជាច្រើនផងដែរ។

បើតាមការបញ្ជាក់កន្លងមករឿង”សទ្ធាមាណព” គឺផលិតឡើងក្នុងគោលបំណងចូលរួមចំណែកក្នុងការផ្សព្វផ្សាយព្រះពុទ្ធសាសនាក៏ដូចជាវប្បធម៌ជាតិ។ ក្នុងរឿងនេះទៀតសោធ គឺពួកយើងទាំងអស់គ្នាបានចំណាយធនធានក៏ដូចជាកម្លាំងកាយចិត្តផ្ទាល់ខ្លួន ដើម្បីផលិតរឿងនេះឡើង។អ្វីកាន់តែពិសេសរឿងនេះ ទើបតែចេញបានត្រឹមរយៈពេលប្រមាណ ២ សប្តាហ៍ប៉ុណ្ណោះ គឺមានអ្នកចូលទស្សនារហូតជាង ៣ លានដងទៅហើយ៕

អត្ថបទ៖ ចាន់រ៉ា