ជីវិតកម្សាន្ដ

បែកធ្លាយសារសម្លេង ណុប បាយ៉ារិទ្ធ ចេញមុខបកស្រាយជម្រះមន្ទិលអ្នកគាំទ្រ

បានផុស

៤ years មុន

នៅ

ថ្ងៃសុក្រ ៣ មិថុនា ២០២២

ដោយ

បន្ទាប់ពីបែកធ្លាយនិងចែករំលែកនូវសារសម្លេង ដែលនិយាយឆ្លើយឆ្លើយគ្នាតាមរយ:បណ្តាញសង្គមរវាងលោក ណុប បាយ៉ារិទ្ធ ជាមួយអតីតបេក្ខជនប្រឡងម្នាក់ពាក់ព័ន្ធការវែកញែកពីសិទ្ធិ និងគោលការណ៍របស់កម្មវិធីនោះភ្លាមៗនេះដែរលោក ណុប បាយ៉ារិទ្ធ ក៏បានចេញមុខបកស្រាយដើម្បីជម្រះមន្ទិលមហាជន ដើម្បីបញ្ចៀសការយល់ច្រឡំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឆ្លើយតបទៅការយល់ច្រឡំនោះដែរ តារាចម្រៀង លោក ណុប បាយ៉ារិទ្ធ បានធ្វើការបង្ហោះវីដេអូជាច្រើនឃ្លីបភ្ជាប់ជាមួយខ្លឹមសាររៀបរាប់បែបនេះថា «សារសំឡេងដែលប្អូនប្រុសឈ្មោះ Lyla Sen បានបង្ហោះគឺជាការឆាតក្នុងកំឡុងពេលគាត់ឆ្លាក់ពីការប្រឡងក្នុងរដូវកាលទី ៣ កាលពីឆ្នាំ២០១៩ ដែលខ្ញុំបានឆ្លើយតបទៅគាត់ពេលដែលគាត់ឆាតមកខ្ញុំ។ គាត់បានកាត់សម្លេងរបស់ខ្ញុំយកទៅបង្ហោះTikto k ស្របពេលដែលរឿងកំពុងកើតឡើងធ្វើអោយបងប្អូនមានការយល់ច្រឡំនិងគិតថាសារសំឡេងរបស់ខ្ញុំនិយាយពីប្អូន ទុំ រដ្ឋា ហៅសុវត្ថិ»។

លោក ណុប បាយ៉ារិទ្ធ បាននិយាយទៀតថា តាមពិតសារសម្លេងនោះគឺជាសារតាំងពីឆ្នាំ២០១៩ ហើយកាលដែលលោកនិយាយថាច្រៀងពីរោះ តែគណៈកម្មការមានសិទ្ធិមិនជ្រើសយកគឺលោកនិយាយពីលក្ខខ័ណ្ឌនៃកម្មវិធីនៅប្រទេសគេ គឺមានបេក្ខជនខ្លះច្រៀងពីរោះតែគាត់មិនត្រូវបានគណៈកម្មការជ្រើសរើសយក ដោយសារគណៈកម្មការគាត់មិនទាន់ពេញចិត្តពីសមត្ថភាពបេក្ខជន។ លោកមិនបាននិយាយពាក់ព័ន្ធនឹងការធ្វើកម្មវិធីរបស់យើងដែលកំពុងតែធ្វើទេ សូមមេត្តាកុំយល់ច្រឡំបន្តទៀត។

តារាចម្រៀងលោក ណុប បាយ៉ារិទ្ធបញ្ជាក់បន្ថែមចុងក្រោយដែរថា «ដំបូងខ្ញុំគិតថាមិនចង់បកស្រាយអ្វីវែងឆ្ងាយទេតែដើម្បីកុំអោយបងប្អូនយល់ច្បាស់ខ្ញុំក៏សម្រេចចិត្តនិយាយ សង្ឃឹមថា បងប្អូនកុំមានការយល់ច្រឡំទៀត»។

យ៉ាងណាមិញគេកត់សម្គាល់ឃើញថា ស្របពេលមហាជនកំពុងរិះគន់ខ្លះទៅលើតារាចម្រៀង ឆន សុវណ្ណរាជ នោះតារាចម្រៀង ណុប បាយ៉ារិទ្ធ ក៏រងគ្រោះដោយសាររឿងនេះមិនស្ទើរនោះដែរ បើទោះរូបលោកបានសម្រេចចិត្តនៅពេលកាត់សេចក្ដីដោយឲ្យ«Yes» ទៅដល់បេក្ខជន ទុំ សុវត្ថិ ក៏ដោយចុះ៕

អត្ថបទ៖ ចាន់រ៉ា