ជីវិតកម្សាន្ដ
ឪពុកបង្កើតមហាសេដ្ឋី Elon Musk ជីកកកាយទំនាក់ទំនងល្អក់កករជាមួយកូនប្រុស
ថ្វីត្បិតទទួលជោគជ័យក្នុងវិស័យបច្ចេកវិទ្យាយ៉ាងត្រចះត្រចង់ ប៉ុន្តែមហាសេដ្ឋី Elon Musk បែរជាមានបញ្ហាចាក់ស្រេះ ជាមួយឪពុកបង្កើត ដោយលោកមិនចុះសម្រុងជាមួយគាត់អស់រយៈពេលជាយូរឆ្នាំមកហើយ។
ប្រិយមិត្តធ្លាប់ដឹងច្រើនមកហើយថា មហាសេដ្ឋី Elon Musk ជាបុគ្គលមានជាងគេបំផុតរបស់ពិភពលោក ដែលបុរសរូបនេះកើតនៅអាហ្វ្រិកខាងត្បូង មានម្តាយឈ្មោះ Maye Musk ជាតារាបង្ហាញម៉ូដ ចំណែកឪពុកឈ្មោះ Errol Musk ជាវិស្វករអេឡិចត្រូនិក អ្នកបើកយន្តហោះ និងជានាវិកមួយរូប។
តាមពិតដើមកំណើតរបស់ Elon Musk មិនមានប្រវត្តិលំបាកដូចមហាសេដ្ឋីមួយចំនួនឡើយ ដោយលោកកើតក្នុងគ្រួសារអ្នកមានទ្រព្យធនគួរសម ប៉ុន្តែជីវិតរបស់លោកមានភាពល្អក់កករជាខ្លាំង ក្រោយពេលឪពុកម្តាយលែងលះគ្នានៅឆ្នាំ ១៩៨០ គឺនៅពេលដែលមហាសេដ្ឋីរូបនេះទើបតែមានអាយុ ៩ឆ្នាំ។
បន្ទាប់ពីឪពុកម្តាយលែងលះគ្នា Elon Musk បានទៅរស់នៅជាមួយឪពុកមួយរយៈ ហើយក្រោយមកលោកផ្លាស់ទៅរស់នៅជាមួយម្តាយ និងបងប្អូន នៅប្រទេសកាណាដា។
លោក Elon Musk ធ្លាប់ចែករំលែកជាមួយសារព័ត៌មាន CNN ថា ពេលវេលាដែលលោករស់នៅជាមួយឪពុក គឺជាវេលាដ៏គួរឱ្យភ័យខ្លាច ដែលនេះជាមូលហេតុនាំឱ្យលោកសម្រេចនៅឆ្ងាយពីគាត់។ ទោះជានិយាយយ៉ាងនេះក្ដី Elon Musk មិនបដិសេធទេថា ឪពុករបស់លោកបានរួមចំណែកដល់ភាពជោគជ័យរបស់លោកនៅក្នុងពេលបច្ចុប្បន្ននេះ ។
តាមប្រភពពីមនុស្សស្និទ្ធស្នាល បានបង្ហើបថា Elon Musk និងឪពុកបង្កើតមិនចុះសម្រុងនឹងគ្នានោះទេ ហើយពួកគេមិនធ្លាប់លើកឡើងពីគ្នា នៅក្នុងប្រព័ន្ធផ្សព្វផ្សាយឡើយ។ ប៉ុន្តែថ្មីៗនេះ លោក Errol Musk ស្រាប់លើកនិយាយអំពីទំនាក់ទំនងជាមួយកូនប្រុស នៅក្នុងបទសម្ភាសន៍រយៈពេល ២០នាទី ក្នុងកម្មវិធី Kyle និង Jackie O។
Errol Musk និយាយថា ថ្វីត្បិតគាត់មានកូនប្រុសជាមហាសេដ្ឋីក៏ដោយ ក៏គាត់ពុំមានមោទកភាពនោះទេ។ លើសពីនេះ លោក Errol Musk បង្ហើបថា គាត់មិនដែលបានទទួលប្រាក់ឧបត្ថម្ភពីកូនប្រុសគាត់ម្ដងណាឡើយ ទោះបីជា Elon Musk ជានាយកប្រតិបត្តិនៃក្រុមហ៊ុនរថយន្តដ៏ល្បីល្បាញមួយរបស់ពិភពលោក ប៉ុន្តែ Errol ពុំមានរថយន្តរបស់ក្រុមហ៊ុន Tesla សម្រាប់ប្រើប្រាស់ទេ។
ទោះយ៉ាងណា លោក Errol បានសម្ដែងក្ដីបារម្ភរបស់ខ្លួនចំពោះ Elon Musk យ៉ាងខ្លាំងផងដែរ មិនថាកូនប្រុសរបស់គាត់ឈានដល់វ័យ ៥០ឆ្នាំ ឬមិនថា Elon រឹងមាំប៉ុនណា ចំពោះគាត់នៅតែចាត់ទុក Elon Musk ជាកុមារដែលមិនចេះមើលថែទាំខ្លួនដដែល៕
ប្រែសម្រួល៖ សន្យា
ចុចអាន៖ រឿង ៦ យ៉ាងអ្នកប្រហែលមិនធ្លាប់ឮអំពីម្តាយមហាសេដ្ឋី Elon Musk
ចុចអាន៖ ដឹងតិចនិកបង្រៀនកូនៗរបស់មហាសេដ្ឋី Elon Musk អ្នកអាចភ្ញាក់ផ្អើល
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត