ជីវិតកម្សាន្ដ

សូដានីតា ទម្លាយនិងព្រមានវិធានការផ្លូវច្បាប់ចំពោះបុគ្គល២រូបពាក់ព័ន្ធរឿងលុយជាង១ពាន់ដុល្លារ

បានផុស

៣ ខែ មុន

នៅ

ថ្ងៃពុធ ១៤ កញ្ញា ២០២២

ដោយ

ភ្នំពេញ ៖ តារាសម្តែងអ្នកនាង សូដានីតា ជាការកត់សម្គាល់ឃើញថា កន្លងមកតារាស្រីរូបនេះតែងបញ្ចេញអារម្មណ៍មិនសប្បាយចិត្តលើបុគ្គលមួយចំនួន។ ម្យ៉ាងទៀតនាងក៏បានបង្ហាញសារជាបន្តបន្ទាប់ពាក់ព័ន្ធអ្នកដែលជំពាក់លុយមិនសងផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមរយៈខ្លឹមសារដែលតារាសម្តែង សូ ដានីតា បង្ហោះនៅលើបណ្តាញសង្គមហ្វេសប៊ុកបានរៀបរាប់ថា មនុស្សកុំខំខ្សែលើខ្ញុំពេកបូកដកគុណចែកដឹងតែចំណេញលើចំណេញ ខ្ញុំអត់ភ្លើទេសូមទូលយកទៅ លុយរកបាន តែបើចង់គិតកេងប្រវ័ញ្ចប្រយ័ត្នបាបកម្មកុំខំសម្តែងអោយគេមើលឃើញថាល្អឡូយ ទាំង ខ្លួនប្រឹងបិទសន្តានដ៏អាក្រក់របស់អ្នកក៏នៅមិនជិតនោះ។

ដោយនៅរសៀលថ្ងៃទី១៤ ខែកញ្ញា ឆ្នាំ២០២២នេះ គេស្រាប់តែឃើញអ្នកនាង សូដានីតា បានបន្តទម្លាយនូវអត្តសញ្ញាណរបស់បុគ្គល២ពាក់ព័ន្ធរឿងបំណុលជាង១ពាន់ដុល្លារនៅលើបណ្តាញសង្គមជាសាធារណៈ។

អ្នកនាង សូ ដានីតា បានបញ្ចេញរូបភាព១សន្លឹកជាមួយខ្លឹមសារថាបងប្អូនជួយមើលមុខមនុស្ស២នាក់ដើរបោកគេត្រឹមលុយ១៥ ០០ដុល្លារ។បងប្អូនបើស្គាល់សូមប្រយ័ត្ន២នាក់ហ្នឹ ងមួយម៉ាត់ណាក៏បោកដែរ ដែលណែនាំមនុស្សម្នាក់ទៀតស្គាល់គ្នាមកបោកលុយ។

អ្នកនាង សូ ដានីតាបន្តទៀតថា គិតទៅតាមទាក់ទង ចាំរយៈពេល១ខែជាងហើយ យើងទាក់ទងគ្រប់សារព័ត៌មានទាំងអស់ឲ្យពួក២នាក់ឯង អស់ផ្លូវដើរ ហើយបើមិនចេញមុខដោះស្រាយទៀតចាំមើលលុយត្រឹម១៥០០ដុល្លារបានឡើងដល់តុលាការអត់ ?បងប្អូនជួយShearផង ។ទុកពេលត្រឹម១អាទិត្យបើមិនអ៊ីចឹងយើងលេងតាមផ្លូវច្បាប់។

បើតាមការកត់សម្គាល់នេះ មិនមែនទើបជាលើកទី ១នោះទេ ដែលតារាស្រី សូ ដានីតា បានបង្ហាញអារម្មណ៍មិនសប្បាយចិត្តរហូតធ្វើការបង្ហោះជាសាធារណៈនៅលើបណ្តាញសង្គមពាក់ព័ន្ធកូនបំណុលរបស់ខ្លួន។ ជាក់ស្តែងពេលនេះសូដានីតានៅតែបញ្ចេញឈ្មោះនឹងអត្តសញ្ញាណជាបន្តបន្ទាប់៕

ដោយ ៖ ចាន់រ៉ា