ជីវិតកម្សាន្ដ

ត្រឹមប៉ុន្មានម៉ោងប៉ុណ្ណោះ សំបុត្រ ៩ ម៉ឺនសន្លឹកនៃការប្រគំតន្ត្រីដ៏ធំរបស់ វណ្ណដា នៅថៃ លក់ដាច់គ្មានសល់

បានផុស

៤ years មុន

នៅ

ថ្ងៃពុធ ២ វិច្ឆិកា ២០២២

ដោយ

ជារឿងមួយដែលល្អបំផុតចំពោះតារារ៉េបវណ្ណដា ក្រោយគណនីហ្វេសបុក Big Mountain Music Festival បានបញ្ជាក់ថា លោកនឹងមានវត្តមាននៅប្រទេសថៃ នាថ្ងៃទី ១០ ដល់១១ ខែធ្នូ ក្នុងការប្រគំតន្ត្រី BMMF។ ស្របពេលដែលការប្រកាសមិនបានប៉ុន្មានម៉ោងផង នៅលើវេបសាយដែលដាក់សំបុត្រចូលរួម ការប្រគំតន្ត្រីលក់អស់៩ ម៉ឺនសន្លឹកត្រឹម៩ម៉ោង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើយោងតាមអ្នករៀបចំកម្មវិធី Big Mountain លោក Yuthana Boonorm បានបង្ហើបថា “វាដូចជាការលើកភ្នំចេញពីទ្រូងរបស់គាត់ មិនមែនភ្នំធម្មតាទេ ប៉ុន្តែជាស្នែងដ៏ធំ។ នេះជាការលក់សំបុត្រដ៏ធំបំផុតក្នុងប្រវត្តិសាស្ត្រ ១២ ឆ្នាំរបស់ BMMF សំបុត្រលក់អស់ ៩០,០០០ ក្នុងរយៈពេលប្រាំបួនម៉ោង អរគុណអ្នកទស្សនាទាំងអស់ អរគុណភាគីពាក់ព័ន្ធទាំងអស់ ហើយជួបគ្នា #bmmf12 #gayray #GMMSHOW #pepsi ។”

យ៉ាងណាមិញ សំបុត្រដែលលក់អស់គ្មានសល់ត្រឹមពេល៩ម៉ោងនេះដែរ គឺបូកសរុបទាំងតារាផ្សេងៗទៀត ដែលមានវត្តមានរួមជាមួយតារារ៉េបវណ្ណដាផងដែរ។

គួរបញ្ចាក់ដែរថា មហោស្រពតន្ត្រីដ៏ធំឆ្នាំ២០២២ ឬ BMMF12 បានត្រលប់មកវិញដូចរាល់ឆ្នាំ។ បន្ទាប់ពីចុងឆ្នាំ ២០២១ បានប្រកាសលុបចោលយ៉ាងតក់ក្រហល់ ខណៈ BMMF12 ឆ្នាំនេះ នឹងប្រព្រឹត្តទៅនៅថ្ងៃទី ១០-១១ ខែធ្នូ ឆ្នាំ ២០២២នៅ The Ocean, Khao Yai ខេត្ត Nakhon Ratchasima៕

អត្ថបទ៖ សាង ស្រីល័ក្ខ

ចុចអាន៖វណ្ណដា ត្រៀមអង្រួនឆាកតន្ត្រីនៅ ថៃ ក្នុងកម្មវិធី BMMF