ហ្វេនស្រងាកចិត្ត ក្រោយលោក Nawat ប្រកាស Engfa មិនអាចរួមការងារជាមួយ Jackson

ក្រុមអ្នកគាំទ្របវរកញ្ញា អ៊ីងហ្វា (Engfa) ម្ចាស់ជយលាភីលំដាប់រងទី១នៃកម្មវិធី Miss Grand International 2022 បានសម្ដែងនូវការស្រងាកចិត្តយ៉ាងខ្លាំង ចំពោះដំណឹងដែលលោក Nawat ប្រកាសថា បវរកញ្ញារូបនេះ និងកំពូលតារាហុងកុង Jackson Wang មិនអាចរួមការងារជាមួយគ្នាឡើយ។

ជា​រឿងគួរឱ្យសោកស្ដាយចំពោះហ្វេនៗរបស់បវរកញ្ញា អ៊ីងហ្វា និងតារាចម្រៀង Jackson ដែលពួកគេមិនអាចសហការគ្នា នៅក្នុងគម្រោងថ្មីដែលបានប្រកាសប្រាប់អ្នកគាំទ្រ កាលពី ៣សប្ដាហ៍មុន ។

យោងតាមសារបង្ហោះរបស់ស្ថាបនិក​ Miss Grand International លោក Nawat Isarakraisil បាន​ប្រាប់​ពី​មូលហេតុ​នៃ​ការ​លុប​ចោលការសហការរវាង​ អ៊ីងហ្វា និង Jackson ថា អ្នកទាំងជាអ្នកផ្សាយឱ្យម៉ាកយីហោពីរផ្សេងគ្នា ដូច្នេះម្ចាស់ប្រេនមិនចង់ឱ្យពួកគេរួមការងារនឹងគ្នានោះទេ។ ប្រសិនបើពួកគេសហការគ្នា ឬសម្ដែងរួមគ្នា វាអាចបង្កផលប៉ះពាល់ដល់ផលិតផលដែលពួកគេជាអ្នកតំណាង។

បន្ទាប់ពីប្រកាសរួច ស្ថាបនិករូបនេះ ក៏ធ្វើការសុំអភ័យទោសទៅកាន់អ្នកគាំទ្រទាំងអស់ សង្ឃឹមថាអ្នកទាំងអស់គ្នានឹងយោគយល់ចំពើរឿងនេះ។

ជាមួយគ្នាដែរ អ្នកគាំទ្រ ​​អ៊ីងហ្វា ​បាន​ចូល​ទៅបញ្ចេញ​មតិ​យ៉ាងច្រើន​ អ្នកខ្លះសោកស្ដាយ ពេលឃើញនាងមិនអាចធ្វើការជាមួយសិល្បករលំដាប់ពិភពលោក ហើយ​ក៏មាន​​​មួយចំនួនទៀតគាំទ្រ​​ចំពោះការសម្រេចចិត្តរបស់​លោក ណា​វ៉ា​ត់ ផងដែរ៕

ប្រែសម្រួល៖ សន្យា

ចុចអាន៖ ភរិយា Weir ព្រមទម្លាយលទ្ធផលអេកូ និងភេទកូនដំបូង ក្រោយទន្ទឹងចាំអស់ជាច្រើនខែ

ចុចអាន៖ ទើបគ្រងមកុដមិនបានប៉ុន្មាន បវរកញ្ញាហុងកុង ត្រូវគេទម្លាយវីដេអូសិច