ភរិយា Weir ព្រមទម្លាយលទ្ធផលអេកូ និងភេទកូនដំបូង ក្រោយទន្ទឹងចាំអស់ជាច្រើនខែ

បន្ទាប់ពីរង់ចាំអស់ពេលជាច្រើនខែ Vicky Pemonya ភរិយាតារាសម្ដែង Weir Sukolwat ព្រមទម្លាយភេទរបស់កូនដំបូងជាសាធារណៈ ដែលវាបានធ្វើឱ្យស្វាមីរបស់នាងត្រេកអរសឹងហោះ ដោយសារវាជាបំណងប្រាថ្នារបស់ឪពុកថ្មោងថ្មីរូបនេះ តាំងពីមិនទាន់រៀបការមកម្ល៉េះ។

តាមរយៈវីដេអូឃ្លីប Weir និងភរិយាបានជជែកគ្នាអំពីភេទកូនដំបូងរបស់ពួកគេ ខណៈស្វាមីចង់បានកូនស្រី ព្រោះខ្លួនមានសុទ្ធតែបងប្អូនប្រុស ចំណែកឯភរិយាចង់បានកូនប្រុស ព្រោះនាងមានបងប្អូនសុទ្ធតែស្រី។ ទោះយ៉ាងណា ទីបំផុត Vicky ព្រមទម្លាយលទ្ធផលអេកូ ហើយកូនក្នុងផ្ទៃដែលត្រៀមនឹងសម្រាលប៉ុន្មានខែទៀតនេះ គឺជាកូនស្រី។

ក្រោយដឹងថាខ្លួននឹងក្លាយជាឪពុកនៃក្មេងស្រីម្នាក់នាពេលឆាប់ៗខាងមុខ Weir ញញឹមបិទមាត់មិនជិត និងបានសម្ដែងក្ដីត្រេកអរយ៉ាងខ្លាំង ខណៈពេលនេះលោកកាន់តែថ្នមចិត្តភរិយាសំណព្វ និងប្រកាសផ្អាកពីសិល្បៈបណ្ដោះអាសន្នដើម្បីមើលថែគ្រួសារឱ្យបានពេញលេញ៕

ប្រែសម្រួល៖ សន្យា

ចុចអាន៖ Weir បង្ហោះរូបលេងហ្គីតាកំដរប្រពន្ធ តែទស្សនិកជនបែរចាប់អារម្មណ៍លើរូបរាងខ្លាំងជាង

ចុចអាន៖ តារាថៃ ៣រូប ជាប់ចំណាត់ថ្នាក់ស្រីស្អាត-ប្រុសសង្ហាលើសគេ ប្រចាំឆ្នាំ២០២២