ជីវិតកម្សាន្ដ

ហ៊ាប ស៊ាងហ៊ុយ ប្ដេជ្ញាយកភាពជោគជ័យវិលមកប្រទេសកម្ពុជា

បានផុស

១ year មុន

នៅ

ថ្ងៃពុធ ៧ ធ្នូ ២០២២

ដោយ

លោក ហ៊ាប ស៊ាងហ៊ុយ ដែលជាម្ចាស់ជយលាភី Mister Friendship Cambodia ២០២២ កាលពីល្ងាចថ្ងៃទី ០៦ ខែធ្នូ ឆ្នាំ ២០២២ បានចាកចេញពីប្រទេសកម្ពុជា ឆ្ពោះទៅខេត្តខុនកែន ប្រទេសថៃ ដើម្បីត្រៀមចូលរួមប្រកួតលើឆាកអន្តរជាតិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រាកដណាស់បុរសឯក ហ៊ាប ស៊ាងហ៊ុយ នឹងត្រូវតំណាងឲ្យកម្ពុជាក្នុងការចូលរួមប្រកួត Mister Friendship International ២០២២ ដែលនឹងរៀបចំធ្វើឡើងនៅថ្ងៃទី ០៨ ខែធ្នូ ឆ្នាំ ២០២២ ដល់ថ្ងៃទី ១៩ ខែធ្នូ ឆ្នាំ ២០២២ នាខេត្តខុនកែន ទឹកដី នៃប្រទេសថៃ។ ក្នុងដំណើរនេះដែរ បុរសរូបសង្ហា ហ៊ាប ស៊ាងហ៊ុយ បានបង្ហាញនូវជំនឿចិត្ត ដោយប្ដេជ្ញាថា នឹងយកភាពជោគជ័យវិលមកប្រទេសកម្ពុជាក្នុងការប្រកួតមួយនេះ។

ជាក់ស្ដែងនៅលើទំព័រផេករបស់លោកបានប្រកាសដោយភាពជឿជាក់ថា «ខ្លួននឹងព្យាយាមធ្វើឲ្យអស់ពីកម្លាំងកាយចិត្ត និងនាំយកភាពជោគជ័យវិលមកប្រទេសកម្ពុជាឲ្យបាន»។ ក្នុងនោះដែរ ក៏មានអ្នកគាំទ្រ និងលេងបណ្ដាញសង្គមហ្វេសប៊ុក បាននាំគ្នាលើកកម្លាំងចិត្តជូនពរឲ្យលោក ហ៊ាប ស៊ាងហ៊ុយ ត្រឡប់មកវិញដោយទទួលបានលទ្ធផលល្អ៕

អត្ថបទ ៖ ចាន់រ៉ា