ជីវិតកម្សាន្ដ

កាបូបតូចមួយរបស់ Chompoo កាន់ក្នុងពិធីមង្គលការប្អូនថ្លៃ Patricia តម្លៃមិនធម្មតាឡើយ

បានផុស

៣ years មុន

នៅ

ថ្ងៃអាទិត្យ ២៥ ធ្នូ ២០២២

ដោយ

កាបូបតូចមួយនិងមានរូបរាងចម្លែករបស់ Chompoo ដែលកាន់ក្នុងពិធីមង្គលការ Patricia Good កំពុងក្លាយជាចំណាប់អារម្មណ៍ពីបណ្ដាញសង្គម ស្របពេលដែលហ្វេនជាច្រើនចង់ដឹងពីតម្លៃរបស់វាដូចគ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងពិធីរៀបអាពាហ៍ពិពាហ៍របស់ប្អូនថ្លៃ Patricia Good និងមិត្តប្រុស Note Wiset តារាសម្ដែង Chompoo Araya ដែលជាបងថ្លៃ ក៏បានតុបតែងខ្លួនយ៉ាងឆើតឆាយជាមួយនឹងឈុតពណ៌ស្បៃបៃតងខ្ចីដ៏សិចស៊ីធ្លុះសាច់ រហូតធ្វើឲ្យភ្ញៀវដែលមកចូលរួមសម្លឹងមើលនាងគ្រប់ៗគ្នា។

ក្រៅពីឈុតដ៏ស្រស់ស្អាត អមនឹងត្បូងពេជ្រលម្អខ្លួន អ្នកម្ដាយកូន៣រូបនេះក៏ទទួលបានការចាប់អារម្មណ៍ជាមួយនឹងកាបូបរូបរាងចម្លែក ដែលផលិតឡើងជាទម្រង់ដូចដៃមនុស្សពី ខណៈនាងបានមកពីម៉ាកយីហោ Judith Leiber ម៉ូដែល Gold Hand War And Peace។ កាបូបចម្លែកនេះរចនាយ៉ាងប្រណិតភាពបំផុត ដោយបានលម្អពេជ្រភ្លេកៗពីក្រៅយ៉ាងឆើតឆាយ មើលមួយភ្លែតគិតស្មានថាជាពានរង្វាន់ដែលតារាស្រីជួរមុខនេះយកតាមខ្លួនប៉ុណ្ណោះ។

ដោយឡែក ចំពោះតម្លៃវិញ ក៏មិនខុសពីធម្មតាដែរ គឺ ៦,២៩៥ដុល្លារ បើគិតជាលុយថៃប្រហែល ២ ម៉ឺនបាត ដែលអាចហៅថាជាតម្លៃដ៏អស្ចារ្យ ស័ក្ដិសមបំផុតសម្រាប់ Chompoo Araya តារាស្រីនិយមលេងខ្លួនប្លែកៗ និងខុសគេមករហូត៕