Lisa បំបែកកំណត់ត្រាជាតារាអាស៊ី មានអ្នកតាមដានច្រើនជាងគេនៅលើ Instagram

ក្រុម Blackpink ដែលជាក្រុមចម្រៀងនារីដ៏ពេញនិយមរបស់កូរ៉េខាងត្បូង បានបង្កើតប្រវត្តិសាស្ត្រម្តងទៀតជាមួយនឹងសមាជិក Lisa ដែលឥឡូវនេះមានអ្នកតាមដាន ៩០ លាននាក់នៅលើ Instagram ដោយនាងបំបែកឯកទកម្មតារាល្បីប្រចាំទ្វីបអាស៊ីដែលមានអ្នកតាមដានច្រើនជាងគេរយៈពេលខ្លីបំផុត ។

ភាពជោគជ័យរបស់ Lisa នៅលើ Instagram គឺគួរឱ្យចាប់អារម្មណ៍ជាពិសេសដោយសារតែលក្ខណៈប្រកួតប្រជែងរបស់តារាល្បីៗនៅលើវេទិកាមួយនេះ​​ដោយមានអ្នកតាមដាន ៩០ លាននាក់ដែលគឺជាសក្ខីភាពនៃប្រជាប្រិយភាពរបស់ Lisa និងឥទ្ធិពលនាងមានលើពិភព K-Pop ។ ជាមួយនឹងទេពកោសល្យពិសេសរបស់នាង និងភាពទាក់ទាញដែលមិនអាចប្រកែកបាន ។

ទន្ទឹមនឹងនេះ Lisa ជាប់ចំណាត់ថ្នាក់លេខ ១ តារាថៃ-កូរ៉េខាងត្បូង មានអ្នកតាមដានសរុប ៩០ លាន នាក់ ជាប់ចំណាត់ថ្នាក់លេខ ៣ នៅអាស៊ី ចំណាត់ថ្នាក់ទី ១៤ ក្នុងចំណោមសិល្បករស្រីទូទាំងពិភពលោក និងជាប់ចំណាត់ថ្នាក់ទី៣៨ក្នុងចំណោមសិល្បករនៅទូទាំងពិភពលោកដោយមិនបែងចែកប្រុស-ស្រី ។

យ៉ាងណាមិញ Lisa បានបើកគណនី Instagram ផ្ទាល់ខ្លួនរបស់នាងក្នុងខែ មិថុនា ឆ្នាំ ២០១៨ រហូតមកដល់ពេលនេះក្នុងរយៈពេល ៤ ឆ្នាំ ៨ ខែ ដើម្បីបំបែកកំណត់ត្រាមួយនេះ ដោយនាងចែករំលែកយ៉ាងសកម្មនូវតន្ត្រីរបស់នាងប្រចាំថ្ងៃ និងនៅពីក្រោយវីដេអូ រូបថត និងច្រើនទៀតនៅលើគណនីរបស់នាង៕

ប្រែសម្រួល៖នាងតូច

ចុចអាន៖Michelle Yeoh ក្លាយជាស្ត្រីអាស៊ីដំបូងគេប្រចាំប្រវត្តិសាស្ត្រ ដែលឈ្នះពានរង្វាន់ Oscars