ជីវិតកម្សាន្ដ

សំប៉ូ លីដា អង្វរកុំប្រមាថជីវិតកូននាង

បានផុស

៣ years មុន

នៅ

ថ្ងៃចន្ទ ១០ មេសា ២០២៣

ដោយ

អ្នកប្រើប្រាស់បណ្ដាញសង្គមហ្វេសប៊ុកមានការភ្ញាក់ផ្អើល បន្ទាប់ពីតារាចម្រៀង និងកំប្លែងជើងចាស់អ្នកនាង សំប៉ូ លីដា បានបង្ហោះរូបភាពបង្ហាញក្តីព្រួយបារម្ភទៅលើកូនប្រុសច្បងរបស់នាងដែលមានគ្រោះថ្នាក់កំពុងសម្រាកព្យាបាលនៅឯមន្ទីរពេទ្យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយការបង្ហាញរូបភាព និងក្តីព្រួយបារម្ភក្នុងនាមជាម្តាយនេះដែរ តារាសម្បូរវោហារសព្ទចូលចិត្តកំប្លែងឲ្យអ្នកនៅជុំវិញខ្លួនបានសើចសប្បាយអ្នកនាង សំប៉ូ លីដា បានទទូចស្នើឲ្យមហាជនមួយចំនួន កុំប្រមាថជីវិតកូនរបស់នាង ខណៈក្នុងនាមនាងជាម្តាយកំពុងតស៊ូគ្រប់យ៉ាងដើម្បីមើលព្យាបាលកូនប្រុសរបស់ខ្លួនផងនោះ។

តារាស្រី សំប៉ូ លីដា បានរៀបរាប់ថា «មា្ដយម្នាក់នេះសូមជូនពរឲ្យកូនឆាប់ជាសះស្បើយ បើមិនបានជួយ សូមកុំប្រមាថជីវិតកូនខ្ញុំ ទោះកូនគ្មានឪពុក ក៏ម្តាយម្នាក់នេះស៊ូៗសម្រាប់កូនៗលុះជីវិតក្ស័យ»។

តាមរយៈនេះក៏មានការជូនពរពីសំណាក់អ្នកគាំទ្រឲ្យកូនប្រុសអ្នកនាង សំប៉ូ លីដា ឆាប់បានជាសះស្បើយពីជំងឺ ខណៈខ្លះទៀតបានសួរនាំដែរថា តើកូនប្រុស សំប៉ូ លីដា ជួបបញ្ហាអ្វីបានជាបែបនេះ?។

ជុំវិញរឿងរ៉ាវនេះដែរ កម្ពុជាថ្មី នៅរសៀលថ្ងៃទី ១០ ខែមេសា ឆ្នាំ ២០២៣ មិនទាន់អាចទំនាក់ទំនង ដើម្បីសូមការសួរនាំបន្ថែមពីអ្នកនាង សំប៉ូ លីដា បាននៅឡើយទេ។ ដោយឡែកក៏មានការជូនពរដែរថា មីងសូមជូនពរឲ្យក្មួយ ស្រស់ ត្រូវជាកូនប្រុសច្បងរបស់អ្នកបង សំប៉ូ លីដា ឆាប់ជាសះស្បើយពីរបួសដ៏ធ្ងន់នេះ មិនគួរសោះ៕

អត្ថបទ ៖ ចាន់រ៉ា