ជីវិតកម្សាន្ដ

ធ្លាយចចាមអារ៉ាមថា Kim Bum និង Oh Yeon Seo សំងំសាងស្នេហ៍ម្ដងទៀត ក្រោយបែកគ្នា ៤ ឆ្នាំ

បានផុស

៤ ខែ មុន

នៅ

ថ្ងៃពុធ ១០ ឧសភា ២០២៣

ដោយ

តារាសម្ដែង Kim Bum និង Oh Yeon Seo ថ្មីៗនេះមានពាក្យចចាមអារ៉ាមថា ពួកគេកំពុងចាប់ផ្ដើមមានទំនាក់ទំនងស្នេហាម្តងទៀត បន្ទាប់ពីបែកគ្នាអស់រយៈពេល ៤ ឆ្នាំ។

លើសពីនេះមានពាក្យចចាមអារ៉ាមទៀតថា Oh Yeon Seo បានដឹកជញ្ជូនអាហារឲ្យតួប្រុសក្នុងរឿង ‘Tale Of The Nine Tailed 1938’ រដូវកាលទី 2 ដល់ទីតាំងតែម្ដង។ ហើយចាប់តាំងពីពេលនោះមក ក៏លេចឮថាពួកគេកំពុងផ្ដើមទំនាក់ទំនងរវាងគ្នាឡើងវិញកាន់តែល្បីសុះសាយជាងមុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ត្រលប់មកវិញកាលពីថ្ងៃទី២៩ ខែមីនា ឆ្នាំ ២០១៨ មានពាក្យចចាមអារ៉ាមថា Kim Bum និង Oh Yeon Seo បានចាប់ណាត់ជួបគ្នានៅភោជនីយដ្ឋានមួយក្នុង Cheondamdong ក្រោយមក ម្ចាស់ផលិតកម្មទាំងពីរក៏បានបញ្ជាក់ពីទំនាក់ទំនងស្នេហារបស់ពួកគេភ្លាមៗផងដែរ។ ជិតមួយឆ្នាំក្រោយមក Kim Bum បានប្រកាសថា បែកគ្នាជាមួយ Oh Yeon Seo ពេលនៅពេលលោកបញ្ចប់ក្នុងជួរកងទ័ព ហេតុផលដែលបានផ្តល់ឲ្យគឺថាអ្នកទាំងពីរចង់ផ្តោតលើអាជីពរបស់ពួកគេរៀងៗខ្លួន។

ពេលនេះបន្ទាប់ពីបែកគ្នាអស់រយៈពេល ៤ ឆ្នាំមក ទាំង Kim Bum និង Oh Yeon Seo មានអាជីពការងារដ៏មានស្ថេរភាពនៅក្នុងឧស្សាហកម្មកម្សាន្តកូរ៉េ ដូច្នេះអ្នកគាំទ្រសង្ឃឹមថាអ្នកទាំងពីរនឹងត្រលប់មកជាមួយគ្នាម្តងទៀតជាក់ជាមិនខានទេ៕