ជីវិតកម្សាន្ដ

តារាសម្ដែងជើងចាស់ ម៉ែ វឿន ធ្លាក់ខ្លួនឈឺ គ្មានលុយព្យាបាល

បានផុស

១ year មុន

នៅ

ថ្ងៃព្រហស្បតិ៍ ១១ ឧសភា ២០២៣

ដោយ

តារាសម្ដែងជើងចាស់ដែលភាគច្រើនតែងដើរតួជាម្ដាយនៅក្នុងភាពយន្តខ្មែរ អ្នកស្រី វឿន ហៅ ម៉ែ វឿន ពេលនេះកំពុងធ្លាក់ខ្លួនឈឺ និងជួបការខ្វះខាតខ្លាំង រស់នៅក្នុងបន្ទប់ជួលតូចចង្អៀតយ៉ាងកម្សត់ គួរឲ្យសង្វេគណាស់។ នេះបើយោងតាមការបញ្ជាក់ពីលោក ផាត់ តារារ័ត្ន ស្ថាបនិកគ្រួសារតារាកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបានបញ្ជាក់ឲ្យដឹងថា «គួរឲ្យសង្វេគតារាសម្ដែងវ័យចំណាស់ ម៉ែ វឿន ទៅសម្ដែងប្រឹងប្រមូលដបទឹកសុទ្ធ ដបកំប៉ុង និងដើររើសក្រដាសកេសមកសន្សំទុកលក់ដោះស្រាយជីវភាព ឥឡូវធ្លាក់ខ្លួនឈឺ អត់មានលុយ ១ រៀល ក្នុងខ្លួន ស្រែកដង្ហោយរកគ្រួសារតារាកម្ពុជា អ្នកធ្លាប់ទ័លទើបយល់។ បងប្អូនដែលបន្តជួយតារាសម្ដែង ម៉ែ វឿន ខ្ញុំបាទ ស្ថាបនិកគ្រួសារតារាកម្ពុជា នឹងសរុបជូនក្នុងពេលបន្តបន្ទាប់»។

ប្រភពបានបន្ថែមថា «មុននេះយើងខ្ញុំជាសមាជិក នៃក្រុមគ្រួសារតារាកម្ពុជា បាននាំយកថវិកាជូនគាត់ (ម៉ែ វឿន) ប្រមាណជិត ៥០០ ដុល្លារ អគុណសម្រាប់ការចូលរួមតាមការអំពាវនាវរបស់យើងខ្ញុំ»។ តាមរយៈដំណឹងនេះ បានធ្វើឲ្យមហាជន និងអ្នកគាំទ្រជាច្រើន សម្ដែងការអាណិតអាសូរ និងជូនពរឲ្យឆាប់ជាសះស្បើយពីជំងឺ។

សូមជម្រាបដែរថា តារាសម្ដែងជើងចាស់ ម៉ែ វឿន បច្ចុប្បន្ន ត្រូវបានទស្សនិកជនដឹងហើយថា អ្នកស្រីជាតារាសម្ដែងជើងចាស់មួយរូបមានប្រវត្តិតស៊ូ និងជួបការលំបាកជាច្រើនសម្រាប់ជីវភាពគ្រួសារប្រចាំថ្ងៃ ពោលគឺខុសប្លែកពីតារារួមជំនាន់ដទៃទៀតដែលមានជីវភាពធូរធារ៕

អត្ថបទ ៖ ចាន់រ៉ា