ការពិតតារាអន្តរជាតិ ៨ រូបនេះ មានកម្ពស់មិនត្រូវតាមស្តង់ដារទេ

គ្រប់គ្នាតែងរំពឹងឲ្យបុគ្គលល្បីៗមានរូបសម្បត្តិស្អាត ឬសង្ហា និងកម្ពស់ខ្ពស់ស្រឡះតាមស្តង់ដារ ។ ដោយឡែកតារាអន្តរជាតិ ៨ នាក់នេះ មិនខ្ពស់ដូចការរំពឹងទុករបស់មហាជនឡើយ ៖

១. Bruno Mars

តារាចម្រៀងអាមេរិកាំង Bruno ដែលពូកែច្រៀងបានវែង ស្រែកបានខ្ពស់ លោកមានកម្ពស់ត្រឹមតែ ១.៦៥ ម៉ែត្រប៉ុណ្ណោះ ។

២. Scarlett Johannson

តារាសម្ដែងអាមេរិកាំង Scarlett Johannson ដែលភាគច្រើនស្គាល់នាងថាជា Natasha ក្នុងរឿង Black Widow មានកម្ពស់ ១.៦០ ម៉ែត្រមែន ប៉ុន្តែពូកែសម្ដែងរឿងបែបវាយប្រហារឥតខ្ចោះ ។

៣. Lady Gaga

កំពូលតារាចម្រៀងមិនចេះសាបសូន្យ Lady Gaga ល្បីខាងបទចម្រៀងពីរោះ និងការស្លៀកពាក់ប្លែកៗគួរឲ្យចាប់អារម្មណ៍ មិនជឿសោះថានាងមានកម្ពស់ ១.៥៤ ម៉ែត្រ ។

៤. Jada Pinkett Smith

ភរិយាលោក Will Smith អ្នកស្រី Jada មានកម្ពស់ ១.៥២ ម៉ែត្រ ខណៈស្វាមីមានកម្ពស់ដល់ទៅ ១.៨៧ ម៉ែត្រ ។

៥. Kourtney Kardashian

ក្នុងចំណោមសមាជិកគ្រួសារ Kardashian ទាំងអស់ Kourtney គឺជា សមាជិកតឿជាងគេបង្អស់ នាងមានកម្ពស់ ១.៥៥ ម៉ែត្រ ។ បន្ទាប់មកគឺ Kim Kardashian ដែលមានកម្ពស់ ១.៥៧ ម៉ែត្រប៉ុណ្ណោះ ។

៦. Jack Black

តារាកំប្លែងរូបនេះពូកែសម្ដែង និងរៀបចំខ្លួនបានស្អាតសង្ហាមែន ប៉ុន្តែគាត់មានកម្ពស់ ១.៦៨ ម៉ែត្រ គឺទាបជាងតារាប្រុសផ្សេងៗគួរសម ។

៧. Daniel Radcliffe

គ្មាននរណានឹកស្មានដល់ថាតារាប្រុសសង្ហា Daniel Radcliffe តួអង្គ Harry Potter មានកម្ពស់ ១.៦៥ ម៉ែត្រឡើយ ថ្មីៗនេះលោកទើបនឹងមានកូនដំបូងទៀតផង ។

៨. Emilia Clarke

តារាសម្ដែងអង់គ្លេស Emilia Clarke មានកម្ពស់ ១.៥៧ ម៉ែត្រ យ៉ាងណាការតែងខ្លួនរបស់នាងមិនសូវឃើញទាបនោះទេ បើមិនឈរក្បែរតារាខ្ពស់ៗ ៕

ប្រែសម្រួល ៖​ វារី

ចុចអាន ៖ តារាស្រីលំដាប់ពិភពលោក ៦ រូប មិនព្រមសម្រកទម្ងន់ ទោះរងពាក្យរិះគន់