ភស្តុតាងនៃការប្រើប្រាស់គ្រឿងញៀន រកឃើញនៅក្នុងផ្ទះតារាសម្តែង Yoo Ah In

យោងទៅតាមការចេញផ្សាយរបស់ JTBC កាលពីម្សិលមិញនេះបានឲ្យដឹងថាមានភស្តុតាងនៃការប្រើប្រាស់គ្រឿងញៀនជាច្រើនដែលប៉ូលិសរកឃើញនៅក្នុងផ្ទះតារាសម្តែង Yoo Ah In ។

នៅក្នុងការរបាយការណ៍នោះតារាសម្តែង Yoo Ah In បានអះអាងថាអាសយដ្ឋានដែលបានដាក់ ឈ្មោះរបស់លោកគឺជាលំនៅដ្ឋានពិតប្រាកដរបស់លោក ប៉ុន្តែវាជាអាសយដ្ឋានក្លែងក្លាយប៉ុណ្ណោះ។ក្រោយពីសមត្ថកិច្ចបានបញ្ជាក់ពីទីកន្លែងរស់នៅពិតប្រាកដរបស់តារាសម្តែងរូបនេះឡើងវិញ ហើយបានឆ្មក់ចូលកន្លែងនោះ ឈានទៅដល់ការរកឃើញភស្តុតាងពាក់ព័ន្ធនឹងការប្រើប្រាស់គ្រឿងញៀន ។

ជាលទ្ធផល ប៉ូលិសបានពិចារណាពីលទ្ធភាពនៃការបំភ័ន្តភស្តុតាង និងតម្រូវការក្នុងការស្នើសុំដីកាចាប់ខ្លួន បើទោះបីជា Yoo Ah In ជាជនល្មើសដំបូងក៏ដោយ។ ជាមួយគ្នានេះ Yoo Ah In បានបង្ហាញខ្លួននៅតុលាការ Seoul Central District ក្នុងទីក្រុង Seocho-gu ដើម្បីសាកសួរការឃុំខ្លួនបណ្តោះអាសន្ន។ ក្រោយពីបញ្ចប់ការសាកសួរទាំងអស់ ប៉ូលីសជឿថា Yoo Ah In បានប្រើប្រាស់គ្រឿង ញៀន ៤ ប្រភេទ រួមមាន កញ្ឆា ប្រូហ្វុល កូកាអ៊ីន និងខេតាមីន ។

បន្ថែមពីលើនេះ មនុស្ស ៤ នាក់ជាបើពាក់ព័ន្ធនឹងតារាសម្តែងYoo Ah In ដែលស្គាល់គ្នាជិតស្និទ្ធ ដែលនៅក្នុងនោះមានអ្នកនិពន្ធមកពីសាលាសិល្បៈ និង YouTuber ដ៏ល្បីម្នាក់ត្រូវបានចាត់តាំងជាជនសង្ស័យ ៕

ប្រែសម្រួល៖នាងតូច

ចុចអាន៖ Chris Brown ប្រឈមមុខនឹងការចាប់ខ្លួន ប្រសិនហ៊ានចូលទៅក្នុងទឹកដីអង់គ្លេស