ជីវិតកម្សាន្ដ

សាន កុសុមៈ បញ្ចេញសារដ៏មានអត្ថន័យ ក្រោយចូលរួមកម្មវិធីដ៏អស្ចារ្យ អាស៊ានប៉ារ៉ាហ្គេម

បានផុស

៣ years មុន

នៅ

ថ្ងៃអង្គារ ៦ មិថុនា ២០២៣

ដោយ

ជាការពិតកញ្ញា សាន កុសុមៈ គឺជាម្ចាស់ជ័យលាភីក្នុងកម្មវិធី «ធីតាឯកសង្ក្រាន្ត» កាលពីឆ្នាំ ២០២១។ មិនត្រឹមតែប៉ុណ្ណោះ កញ្ញា សាន កុសុមៈ ក៏ជាតារាសម្ដែងស្រីម្នាក់ដែលកំពុងតែមានភាពល្បីល្បាញនៅក្នុងប្រទេសកម្ពុជាទៀងផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែកថ្មីៗនេះ តារាសម្ដែង សាន កុសុមៈ បានធ្វើឲ្យអ្នកគាំទ្រជាច្រើនចាប់អារម្មណ៍ខ្លាំង ក្រោយឃើញនាងបង្ហាញវត្តមាននៅក្នុងកម្មវិធីដ៏អស្ចារ្យ នៃការបើកព្រឹត្តិការណ៍អាស៊ានប៉ារ៉ាហ្គេម ដែលកម្ពុជាធ្វើជាម្ចាស់ផ្ទះ កាលពីរាត្រីថ្ងៃទី ០៣ ខែមិថុនា ឆ្នាំ ២០២៣។ តាមរយៈនេះដែរ កញ្ញា សាន កុសុមៈ ក៏បានបង្ហាញពីមោទនភាព និងក្តីរំភើបខ្លាំង ដែលបានរួមចំណែកក្នុងកម្មវិធីមហាព្រឹត្តិការណ៍បើក ASEAN PARAGAM ES 2023 ដ៏អស្ចារ្យ នៅប្រទេសកម្ពុជា។

ស្រីស្អាត សាន កុសុមៈ បានបង្ហោះរូបភាពដោយអមនឹងខ្លឹមសារដូច្នេះថា «២-៣ សន្លឹកនេះ គឺមានន័យណាស់ សំឡេង នៃការគាំទ្ររបស់បងប្អូនសម្រាប់ប្រទេសកម្ពុជា នៅដក់ជាប់ក្នុងដួងចិត្តខ្ញុំជានិច្ច រំភើបមិនអាចកាត់ថ្លៃបាន»។ ក្រោយបង្ហោះរូបថត និងរូបភាពទាំងនោះហើយឃើញថា នាងពិតជាទទួលបានការកោតសរសើរពីសំណាក់មហាជនលើរូបសម្រស់ពិតជាស្រស់ស្អាតលេចធ្លោខ្លាំង។

កត់សម្គាល់ដែរថា នៅពីក្រោយភាពល្បីល្បាញរបស់តារាសម្ដែង សាន កុសុមៈ ត្រូវបានមហាជនដឹងថា កញ្ញាមានសមត្ថភាពចំណេះដឹងជ្រៅជ្រះ រួមទាំងសម្រស់ដ៏ស្រស់ស្អាតពីធម្មជាតិថែមទៀតផង។ លើសពីនេះទៅទៀត កញ្ញា សាន កុសុមៈ ក៏ជាតារាស្រីម្នាក់ដែលមានអត្តចរិតរួសរាយរាក់ទាក់ទន់ភ្លន់គួរឲ្យស្រលាញ់តែម្ដង៕

អត្ថបទ ៖ ចាន់រ៉ា