គ្រងមកុដត្រឹម៣ថ្ងៃ Miss Grand ឥណ្ឌូណេស៊ី លេចធ្លោខ្លាំងរហូតទាក់ចិត្តទស្សនិកជនជាច្រើន

កាលពីយប់មិញថ្ងៃទី ០៨ ខែមិថុនា ការប្រកួតវគ្គផ្តាច់ព្រ័ត្រនៃកម្មវិធីប្រកួតបវរកញ្ញា Miss Grand Indonesia 2023 បានបញ្ចប់ជាផ្លូវការ ខណៈពេលដែល​ជ័យជម្នះ​បានទៅលើ​បវរកញ្ញា Ritassya Wellgreat ។

យ៉ាងណាមិញ បន្ទាប់ពីបានគ្រង​តំណែង​ខ្ពស់​បំផុតក្នុងកម្មវិធី Miss Grand បវរកញ្ញា វ័យ ២២ឆ្នាំរូបនេះនឹងតំណាងប្រទេសរបស់ខ្លួនក្នុងការ​ប្រកួតប្រជែង​លើសង្វៀន Miss Grand International 2023 ដែលនឹង​ប្រព្រឹត្ត​ទៅ​នៅខែតុលា​ខាងមុខ​នៅ​វៀតណាម។

ទន្ទឹមគ្នានោះ​ដែរ​ Ritassya Wellgreat ធ្វើឲ្យ​អ្នកគាំទ្របើកភ្នែកធំៗ ពេលបង្ហាញរូបភាព​របស់នាង ក្រោយឡើងគ្រងមកុដបានតែ ៣ថ្ងៃ​ប៉ុណ្ណោះ។ រាជិនីសម្រស់កើតឆ្នាំ ២០០១ ធ្វើឲ្យមានការចងចាំខ្ពស់លើសគូប្រកួត នៅពេលនោះ នាងទទួលការសរសើរថាមានមុខមាត់ស្រស់ស្អាត និងទាក់ទាញក្រសែភ្នែកអ្នកទស្សនារាប់សិបលាននាក់ ។

ទោះយ៉ាងណាក៏ដោយ​ នាងហាក់​ទទួលបានការវាយតម្លៃខ្ពស់ជាបន្តបន្ទាប់តាំងពី​ចាប់ផ្ដើម​ការ​ប្រលង ហើយពិតជាមិនធ្វើឲ្យអ្នកគាំទ្រខកចិត្តឡើយ ពេលឈ្នះមកុដ​​ក្នុងកម្មវិធី Miss Grand Indonesia 2023 ។ គេដឹងថា ទោះបីជាមិនមាន​កម្ពស់​គួរឲ្យចាប់អារម្មណ៍ក៏ដោយ​ ឬ​មាន​សម្រស់​លេចធ្លោ​បើ​ធៀប​នឹង​បេក្ខភាព​ផ្សេងទៀត ប៉ុន្តែ​​សមត្ថភាព​និងភាព​ឆ្លាតវៃរបស់នាងបាន​បន្សល់​ទុក​សម្រស់​ផ្សេង​ទៀត​យ៉ាង​លឿន​ដើម្បី​ដណ្តើម​មកុដ​បវរកញ្ញា។

ក្រៅ​ពី​សម្រស់​ដ៏​ស្រស់​ស្អាត​នៃ​ទឹកដី​នៃ​កោះ​រាប់​ពាន់​ក៏​ត្រូវ​បាន​គេ​ចាប់​អារម្មណ៍​ចំពោះ​ស្នាដៃ​សិក្សា​ដ៏​គួរ​ឲ្យ​កត់​សម្គាល់​របស់​នាង​ផង​ដែរ។ វាត្រូវបានគេដឹងថា Ritassya Wellgreat ធ្លាប់ជានិស្សិតបញ្ចប់ការសិក្សាដ៏ល្អបំផុតម្នាក់នៃសាកលវិទ្យាល័យ Sriwijaya, មហាវិទ្យាល័យអប់រំកម្មវិធីសញ្ញាប័ត្រផ្នែកសេដ្ឋកិច្ច។ បច្ចុប្បន្ន បវរកញ្ញា​រូបនេះកំពុងធ្វើការជាតារាបង្ហាញម៉ូដ និងគណនេយ្យករនៅស្រុកកំណើតរបស់ខ្លួន៕

ប្រែសម្រួល៖ សាង ស្រីល័ក្ខ

ចុចអាន៖តួម្ដាយរឿង “កំហឹងព្រះនាង” ទទួលពានសម្ដែងឆ្នើម តែមហាជនចាប់អារម្មណ៍លើការស្លៀកពាក់