ជីវិតកម្សាន្ដ

តារាថៃ ៧ ដួង ក្រោយប្រេះឆាជាមួយមិត្តប្រុស សម្រស់កាន់តែស្អាត និងលេងខ្លួនសិចស៊ីចាស់ដៃ

បានផុស

៩ ខែ មុន

នៅ

ថ្ងៃអង្គារ ២០ មិថុនា ២០២៣

ដោយ

វិស័យកម្សាន្តមិនត្រឹមតែជានិយាយពីសមត្ថភាពសម្ដែង ក្នុងនោះសូម្បីតែស្នេហារបស់គូស្នេហ៍តារាល្បីៗជាច្រើនក៏ត្រូវបានមហាជនលើកមកជជែកគ្នាលើបណ្ដាញសង្គម រហូតដល់គូស្នេហ៍ខ្លះ ស្រលាញ់គ្នាសុខៗបែរចេញមកប្រកាសថាពួកគេបែកគ្នា ដល់ថ្នាក់ផ្អើលប្រទេសថៃ។

យ៉ាងណាមិញគិតមកដល់ពេលនេះមានគូស្នេហ៍តារាស្រី ៧គូហើយដែលបានបែកបាក់គ្នា ខណៈសព្វថ្ងៃនេះពួកគេស្ថិតក្នុងឈ្មោះនៅលីវគ្មានគូគាប់ទ្រនាប់ចិត្ត ហើយក្នុងនោះម្នាក់ៗមានសម្រស់កាន់តែលេចធ្លោខ្លាំង ខុសឆ្ងាយពីកាលមានដៃគូថែមទៀត។

១ Aum Patchrapa

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជីវិតស្នេហារបស់ តារាសម្ដែង Aum Patchrapa ត្រូវអ្នកលេងអ៊ីនធឺណិតតាមដានយ៉ាងខ្លាំង ក្រោយមកបែកគ្នាជាមួយកំពូលអ្នកជំនួញហៃសូ Pok ។ ដែលនេះជារឿងមួយសឹងមិននឹកស្មានដល់នោះទេក្នុងពិភពកម្សាន្ត។ បន្ទាប់ពីបែកគ្នាជាមួយមិត្តប្រុស Aum មិនបានទុកខ្លួនឲ្យទំនេរឡើយ នាងតែងតែបង្អួតរាងស៊ិចស៊ីតាមរយៈការធ្វើដំណើរកម្សាន្តផ្ទាល់ខ្លួន។

២ Matt Peeranee

បន្ទាប់ពីលេចឮនៅពាក្យចចាមអារ៉ាមរវាងគូស្នេហ៍តារាសម្ដែង Matt Peeranee និងមិត្តប្រុស Songkran Techanarong រហូតធ្វើឲ្យមហាជនជាច្រើនមានតែការងឿងឆ្ងល់។ នៅទីបំផុតក្នុងសន្និសីទសារព័ត៌មានមួយនាងបញ្ជាក់ច្បាស់ៗថា ពិតជាបែកគ្នាជាមួយមិត្តប្រុសហើយក៏គ្មានជនទី៣ដែរ។ ក្រោយបែកគ្នាតួឯកស្រីក្នុងរឿង “កូនក្រមុំរីករាយ” ហាក់ស្លៀកពាក់មិនព្រលែងដៃនិងកាន់តែសិចស៊ីផងដែរ។

៣ Maprang Alrisa Kunkwaeng

ការបែកគ្នាជាមួយមិត្តប្រុសមិនបានធ្វើឲ្យតារាស្រីវវ័យក្មេងរូបនេះមានការតក់ស្លុត ឬសោកសង្រេងសូម្បីតែបន្តិចណា។នៅលើបណ្ដាញសង្គម ទស្សនិកជនសង្កេតឃើញថា Maprang តែងតែបង្ហោះរូបភាពពីដំណើរកម្សាន្តនិងបង្ហាញតែភាពរីករាយមួយមុខប៉ុណ្ណោះ។ លើសពីនេះ នាងកាន់តែស្អាតជាងមុន ក្រោយប្រកាសថានៅលីវពេញលេញ។

៤ Grand Kornpassorn Duaysienklao

ស្នេហា៤ឆ្នាំរបស់ Grand និងមិត្តប្រុសបានបញ្ចប់ជាស្ថាពរ ដោយសារតែមូលហេតុពួកគេមានគំនិតខុសគ្នា ហើយខាងភាគីខាងប្រុសចង់រៀបការ ប៉ុន្តែខាងស្រីមិនទាន់គិតពីរឿងនេះទេ។ ក្រោយបែកគ្នា Grand មិនបានខ្វល់ចិត្តឡើយ នាងមានតែខិតខំវាយលុកក្នុងអាជីព ហើយបង្ហោះរូបភាពលើបណ្ដាញសង្គមធម្មតា។

៥ Best Rakwanee Kamsing

តារាស្រីវ័យក្មេងស្រករក្រោយរូបនេះបានប្រកាសផ្ដាច់ទំនាក់ទំនងជាមួយគូស្នេហ៍តារាប្រុស TongTong បន្ទាប់ពីពួកគេជួបគ្នាក្នុងរឿង “បេះដូងអ្នកសង្រ្គោះ”។ ទោះយ៉ាងណាក៏ដោយ ក្រោយបែកមិនបានប៉ុន្មាន Best ហាក់មិនបានសំងំទុក្ខសោកនោះទេ នាងតែងតែបង្ហាញដងខ្លួនសិចស៊ីឥតញញើតដៃលើសមុនទៀត។

៦ Bow Benjawan Artner

គូស្នេហ៍តារាប្រុស Got Jirayu និង Bow Benjawan ត្រូវបានទស្សនិកជនសញ្ចឹងគិតថានឹងឈានដល់ថ្ងៃមង្គលឆាប់ៗ។ ប៉ុន្តែមិនបានប៉ុន្មានផង ក្រោយស្រលាញ់គ្នាអស់រយៈពេលជិត១០ឆ្នាំ នៅទីបំផុតពួកគេបានប្រកាសបែកគ្នាយ៉ាងឈឺចាប់បំផុត។ ក្រោយមកតារាសម្ដែង Bow បានសម្រេចចិត្តស្លៀកពាក់សរៀនធម៌នៅវត្តអារាមមួយរយៈធំ។

៧ Green Asadaporn Siriwatthanakun

Green Asadaporn បានបង្ហោះរឿងបែកមុននឹងការប្រកាសពី Status របស់មិត្តប្រុស Thanwa Suriyajak តាមរយៈ Instagram ផ្ទាល់ខ្លួន ធ្វើឲ្យមហាជនជាច្រើនស្រងាកចិត្តយ៉ាងខ្លាំង។ ទោះយ៉ាងណានេះគឺជាការសម្រេចចិត្តរបស់អ្នកទាំងពីរ ក្រោយទាក់ទងគ្នាជាង៨ឆ្នាំ ប៉ុន្តែទោះជាបាត់បង់ស្នេហា ក៏ពួកគេទទួលបានមិត្តល្អត្រឡប់មកវិញដូចគ្នាខណៈម្នាក់ៗគិតតែរឿងការងារមួយមុខប៉ុណ្ណោះ។