មុនទម្លាក់អាល់ប៊ុមទោល V បង្ហាញខ្លួនលើក្របទស្សនាវដ្ដី ៣​ ផ្សេងគ្នា ក្នុងពេលតែមួយ

តារាចម្រៀង Kim Tae-hyung ឬ V សមាជិកក្រុមចម្រៀងបុរស BTS កំពុងធ្វើឲ្យអ្នកគាំទ្រភ្ញាក់ផ្អើល បន្ទាប់ពីបង្ហាញមុខលើក្របទស្សនាវដ្តីចំនួនបីផ្សេងគ្នា ក្នុងថ្ងៃតែមួយ។ ក្រោយប្រកាសចេញអាល់ប៊ុមទោលរបស់ខ្លួន ឥទ្ធិពល V បាននិងកំពុងសាយភាយជាសកល ខណៈទស្សនាវដ្ដីល្បីៗនៅកូរ៉េជាច្រើនបានដណ្ដើមគ្នាចុះផ្សាយពីតារាប្រុសរូបនេះព្រមៗគ្នាតែម្ដង។

ទស្សនាវដ្ដី​មួយ​ក្នុង​ចំណោម​ទស្សនាវដ្ដីដែល V កំពុង​បង្ហាញ​ខ្លួន​គឺ Arena Homme។ រូបភាពបីបួនសន្លឹករបស់សមាជិក BTS នៅលើទស្សនាវដ្ដីមួយនេះ កំពុងធ្វើឱ្យ ARMYs រលាយបេះដូង ព្រោះតែរូបរាងសិចស៊ី និងទាក់ទាញរបស់លោក។

ចំណែករូបថតរូបមួយចំនួនទៀតរបស់ V ត្រូវបានផ្សព្វផ្សាយនៅលើក្របទស្សនាវដ្ដី Pop Magazine ខណៈរូបទាំងនោះសុទ្ធសឹងទាក់ទាញចំណាប់អារម្មណ៍អ្នកគាំទ្រឱ្យបញ្ចេញមតិផ្សេងគ្នាជាច្រើន។ ដោយឡែក ទស្សនាវដ្ដី W Korea ក៏បានចុះផ្សាយរូបភាពសិចស៊ីប៉ុន្មានសន្លឹករបស់ V ផងដែរ។ ជាមួយនឹងសក់ពណ៌ទង់ដែង ពិតជានាំឱ្យ V ប្រែសម្រស់ប្លែក ព្រមទាំងលេចធ្លោខ្លាំងទៀតផង។

ការចុះផ្សាយរបស់ទស្សនាវដ្ដីធំៗក្នុងថ្ងៃដូចគ្នាបែបនេះ គឺដោយសារតែ V ត្រៀមទម្លាក់អាល់ប៊ុមរបស់លោកក្នុងពេលឆាប់ខាងមុខ។

រូបភាព V លើកទស្សនាវដ្ដី Arena Homme

រូបភាពរបស់ V លើទស្សនាវដ្ដី Pop Magazine

រូបភាពរបស់ V លើទស្សនាវដ្ដី W Korea

ប្រែសម្រួល៖ សន្យា

ចុចអាន៖ តារាស្រី ៥រូប ត្រូវទស្សនិកជនពោលសរសើរលើការស្លៀកពាក់សមសួន