ជីវិតកម្សាន្ដ

សុខ ជំនោ រិះគន់ការនិពន្ធមួយចំនួនដែលគ្មានខ្លឹម សារឬមូលដ្ឋានទទួលស្គាល់ពីក្រសួង

បានផុស

៥ years មុន

នៅ

ថ្ងៃអាទិត្យ ៣១ មករា ២០២១

ដោយ

ភ្នំពេញ ៖ គេសង្កេតឃើញទីផ្សារចម្រៀងបច្ចុប្បន្នកាន់តែមានការផុសផុលឡើង តាមរយៈការនិពន្ធទំនុកចម្រៀងឬបទភ្លេងជាដើម ដើម្បីដាក់ផ្សព្វផ្សាយប្រជែងយកទីផ្សារគាំទ្រដោយគ្មានឆ្លងកាត់ការត្រួត ពិនិត្យពីក្រសួងវប្បធម៌និងវិចិត្រសិល្បៈឡើយ។

ដោយសារកត់សម្គាល់ឃើញហេតុផលនេះហើយ ទើបកវីនិពន្ធល្បីឈ្មោះលោក សុខ ជំនោ បានចេញមុខធ្វើការរិះគន់ និង ចោទជាសំណួរសួរទៅកាន់អ្នកនិពន្ធនិងអ្នកចម្រៀងទាំងនោះវិញថាអ្នកនិពន្ធត្រូវចេះអ្វីខ្លះ? សំណួរខ្លីនេះបានធ្វើឲ្យមហាជននិងអ្នកគាំទ្រសម្តែងការពេញចិត្តគ្រប់គ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ថែមពីនេះលោក សុខ ជំនោ បានលើកឡើងពីទស្សនៈរបស់ខ្លួនទៅលើអ្នកគាំទ្រមួយចំនួនថា អ្នកស្តាប់ចម្រៀងបច្ចុប្បន្នប្រហែលមិនស្គាល់ទិដ្ឋាការនេះទេ ព្រោះសម័យឥឡូវដោយគេលែងផលិតVC D ទើបគេលែងខ្វល់នឹងឆ្លងសុំទិដ្ឋាការពីក្រសួងវប្បធម៌និងវិចិត្រសិល្បៈ។

កវី សុខ ជំនោ បានពន្យល់ទៀតថា កាលពីជំនាន់ទិដ្ឋាការនៅមានប្រសិទ្ធភាពគឺបើMVណាមានរូប ភាពមិនល្អ ឬ ខុសអក្ខរាវិរុទ្ធគឺក្រសួងមិនចេញទិដ្ឋាការឲ្យទេ។ ចុះបច្ចុប្បន្ន ?បទសរសេរអក្សរខុសប្រើ ពាក្យមិនត្រូវប្រើភាសានិយាយមកសរសេរគ្មានមូលដ្ឋានតើអ្នកណាអ្នកចេញមុខទទួលខុសត្រូវ?

ជុំវិញសំណួរនិងការរិះគន់ពីសំណាក់លោក សុខ ជំនោ ខាងលើនេះមិនទាន់មានការចេញមុខបកស្រាយពីភាគីពាក់ព័ន្ធណាមួយនៅឡើយទេ។ ខណៈមតិមហាជនមួយចំនួនបានគាំទ្ររិះគន់ថាការនិពន្ធបច្ចុប្បន្នឃើញថាចម្រៀងខ្លះគឺគ្មានខ្លឹមសារឬវិជ្ជាជីវៈអប់រំឡើយ៕

ដោយ ៖ ចាន់រ៉ា