ជីវិតកម្សាន្ដ

ទីបំផុត ! បវរកញ្ញាថៃ ចេញមុខសុំទោស ភីម ស្រីនោ ជាសាធារណៈ

បានផុស

២ years មុន

នៅ

ថ្ងៃអង្គារ ២៦ កញ្ញា ២០២៣

ដោយ

បន្ទាប់ពីថ្មីៗនេះមានការចុះផ្សាយចែករំលែកនៅលើបណ្ដាញសង្គមពាក់ព័ន្ធបវរកញ្ញាថៃ Engfa Waraha បានយកជើងកៀស និងជាន់លើស្បៃបវរកញ្ញាកម្ពុជានោះ ពេលនេះសាមីខ្លួនបវរកញ្ញាថៃ Engfa Waraha បានចេញមុខជាសាធារណៈ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមការរៀបរាប់របស់កញ្ញា Engfa បានចេញមុខសុំទោស កញ្ញា ភឹម ស្រីនោ ព្រោះនាងអត់មានចេតនាមើលងាយលើបវរកញ្ញា ភឹម ស្រីនោ ទេ។ ការចេញមុខនេះបានធ្វើឲ្យអ្នកគាំទ្រសរសើរបវរកញ្ញាថៃ Engfa ដែលបញ្ជាក់ពីទង្វើ នៃការរាប់អានគ្នារវាងវិស័យបវរកញ្ញា។

គួររម្លឹកថា ថ្មីៗនេះអ្នកគាំទ្រ និងអ្នកនិយមតាមដានវិស័យបវរកញ្ញាកម្ពុជា បានបង្ហាញការហួសចិត្ត និងផ្ទុះការវែកញែក បន្ទាប់ពីឃើញការចែករំលែកវីដេអូនៅលើបណ្ដាញសង្គមហ្វេសប៊ុក តិកតុក នូវសកម្មភាពដែលបវរកញ្ញាថៃ EngfaWaraha យកជើងជាន់ស្បៃ កញ្ញា ភឹម ស្រីនោ បវរកញ្ញាកម្ពុជា។

សកម្មភាពនេះ ត្រូវបានគេដឹងថា កើតឡើងអំឡុងពេលជំនួបលើឆាកប្រកួតផ្ដាច់ព្រ័ត្រក្នុងកម្មវិធីMiss Grand Saraburi 2024 កាលពីថ្មីៗកន្លងទៅ ដែលធ្វើឡើងនៅលើទឹកដីប្រទេសថៃ៕

អត្ថបទ ៖ ចាន់រ៉ា