ជីវិតកម្សាន្ដ

ហេង ឡុង ៖ ការស៊ែរ ឬ យកវីដេអូដែលជាន់ពន្លិចអរិយធម៌ខ្មែរផុសតាមបណ្ដាញសង្គមគឺជាការចូល រួមគាំទ្រអំពើខុសច្បាប់!

បានផុស

៥ years មុន

នៅ

ថ្ងៃអាទិត្យ ៧ កុម្ភៈ ២០២១

ដោយ

ភ្នំពេញ ៖ លោក ហេង ឡុង ប្រធានសមាគមមិត្តសិល្បៈស្ម័គ្រចិត្តជួយសង្គមបានបញ្ជាក់ថា ចំពោះជនណាដែលធ្វើសកម្មភាពដែលបន្តការស៊ែរចែករំលែក ឬ បង្ហោះវីដេអូមានចរិតជាន់ពន្លិចអរិយធម៌ខ្មែរផុសតាមបណ្ដាញសង្គមយូធូប គឺជាការចូលរួមគាំទ្រអំពើខុសច្បាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការលើកឡើងរបស់លោក ហេង ឡុង នេះបានធ្វើ ឡើងខណៈពេលដែលករណីរបស់ក្រុមសម្តែងរឿង ទុំទាវ២០២១កំពុងផ្ទុះការរិះគន់ខ្លាំង រហូតមានការចេញលិខិតកោះហៅពីក្រសួងវប្បធម៌និងវិចិត្រសិល្បៈ ដើម្បីធ្វើការព្រមាននិងដាក់ពិន័យលើក្រុមនេះនៅពេលឆាប់ៗខាងមុខ។

ទាក់ទងនឹងរឿងរ៉ាវដ៏ក្តៅគគុករបស់ក្រុមសម្តែង រឿង ទុំទាវ២០២១ ដែលបានការឡៃធ្វើឲ្យប៉ះពាល់ធ្ងន់ធ្ងរដល់សាសនា វប្បធម៌ សីលធម៌និងប្រពៃណីនេះដែរ លោក ហេង ឡុង ក៏បានបញ្ចេញប្រតិកម្មដោយលើកឡើងថា គួរមានច្បាប់ពិន័យជាប្រាក់ និង ដាក់ទោសទៅលើអ្នកប្រព្រឹត្តប៉ះពាល់សីលធម៌សង្គម និងសាសនា ហើយការសូមទោសគឺទទួលយកមិនបាន។

លោក ហេង ឡុងបានបន្ថែមថា ថ្វីត្បិតករណីនេះខុសពីចំប៉ីខ្មៅ ប៉ុន្តែដាច់ខាតក្រុមនេះ ត្រូវតែរងការពិន័យ។ ដូច្នេះមានតែរង់ចាំមើលលទ្ធផលនៅថ្ងៃទី១០ ខែកុម្ភៈ វេលាម៉ោង១០ព្រឹក។ ខណៈដែលក្រសួងវប្បធម៌និងវិចិត្រសិល្បៈបានចេញលិខិតកោះហៅក្រុមនេះទៅបំភ្លឺដោយកំហិតផងនោះ៕

ដោយ ៖ ចាន់រ៉ា